Populære bibelvers fra 1 TESALONIKA 5

Del

Bah kheueh gata sabe lam keuadaan geumbira, dan meudoá kheueh sabe. Lam keuadaan peue mantong bah kheueh gata meusyukoe, sabab nyang lagée nyan kheueh nyang Allah lakée nibak gata sibagoe ureuëng nyang udeb meusaboh ngon Isa Almaseh.

Seumoga Allah keudroe nyang bri ubak geutanyoe seujahteura, geupeujeuet gata keu ureuëng-ureuëng nyang biet-biet udeb khusos keu Po teu Allah. Seumoga Allah geujaga bansaboh anggota tuboh gata, bah kheueh roh, jiwa meunan cit tuboh gata, sampoe hana meucupa bak watée Tuhan Isa Almaseh teuka lom teuma. Allah, nyang ka geutawök gata, teuma geupeubuet hainyan sabab Gobnyan seutia.

Jaga kheueh mangat bék na nyang jibalaih buet nyang jeuhet ngon buet nyang jeuhet. Meu-useuha kheueh sabe keu tapeubuet nyang gét, sidroe ateueh nyang laén dan ateueh mandum ureuëng.

Sabab nyan, bah kheueh gata teutab saléng tadurong dan saléng tapeukong, saban lagée nyang teungoh gata peubuet nibak watée nyoe.

Meunan cit kamoe lakée, Syedara-syedara, seugah kheueh ngon gét keu ureuëng nyang hana jitem keureuja; peutabah kheueh até ureuëng teumakot; tulông kheueh ureuëng nyang peureulée teutulông dan saba kheueh ateueh mandum ureuëng.

Allah geupiléh geutanyoe kon keu teuhuköm, teuma geupeu seulamat meulalu Tuhan geutanyoe Isa Almaseh.

Gata banmandum na kheueh ureuëng nyang udeb lam trang; gata jitamong lam uroe nyang trang. Tanyoe kon ureuëng nyang udeb lam seupôt; atawa nyang jitamong nibak malam nyang seupôt.