Populære bibelvers fra 1 PETRUS 4

Del

Leubeh nibak peue-peue nyang na, bah kheueh gata beubiet-biet beutagaséh sidroe ngon nyang laén, sabab deungon na sabe tameugaséh sidroe ngon nyang laén nyan gata pi kasiab cit teuma keu saléng tapeuamphon.

Gata maséng-maséng ka tateurimong meuneubri nyang meulaén-laén nibak Allah. Sabab nyan sibagoe ureuëng nyang peusaneut nyang gét nibak peue-peue nyang ka geubri lé Allah, bah kheueh gata peuguna keumampuan nyan deumi keupeuntengan meusajan.

Ureuëng nyang peutrok haba, bah kheueh jipeutrok haba nibak Allah; ureuëng nyang peutimang ureuëng laén, bah kheueh jipeutimang ngon teunaga nibak Allah, mangat lam hai peue mantong, Po teu Allah jeuet teupeuguna meulalu Isa Almaseh. Gobnyan kheueh nyang meukuasa dan patot teupeuagong siumu masa. Amin.

Teuma meunyoe gata meudeurita sabab lé gata ureuëng Kristen, bék kheueh malée sabab lé hai nyan. Lakée kheueh teurimong gaséh ubak Po teu Allah, bahwa gata taba nan Almaseh.

Peue-peue mantong karab that ubak akhé, sabab nyan bah kheueh gata takuasa droe dan teutab waspada, mangat gata hase ta meudoá.

Syedara-syedara nyang lôn cinta! Gata jinoenyoe that-that meudeurita sabab teungoh teu-ujoe. Teuma bék kheueh meurasa hireuen, siulah-ulah na sipeue-peue nyang luwabiasa keunong ateueh gata. Teuma, bah kheueh gata meurasa mangat sabab meusigoe meudeurita meusajan-sajan ngon Almaseh. Teuma singoh watée keuagongan Almaseh teupeuleumah, gata teuma meusukacita.

Bah kheueh gata saléng tateurimong sidroe ngon nyang laén lam rumoh gata, ngon hana tunu até.

Sabab nyan, meunyoe na ureuëng-ureuëng nyang meudeurita sabab lé Allah geukeuheundak nyang lagée nyan, bah kheueh ureuëng-ureuëng nyan udeb ngon beutôi dan jipeucaya droe ubak peuncebta awaknyan. Gobnyan sabe geupeu teupat janji Gobnyan.

Sabab Almaseh ka meudeurita seucara jasmani, gata harôh tapeukong droe deungon até nyang kukoh ubak nyang nyan. Sabab ureuëng nyang meudeurita seucara tuboh, ureuëng nyan hana lé meudesya. Sabab nyan, bah kheueh gata udeb sabe nyang lagée nyan bagoe lam donya nyoe lagée keuheundak Allah, dan kon lagée keuheundak manusia.

Gata meu-untông meunyoe gata jihina sabab gata murit Almaseh. Nyan meumakna Roh nyang mulia, na kheueh Roh Allah, na nibak gata.