Jo̧kwaiökwe, isabenö iteda ujulu i̧sȩbö, sulabedönö lȩebakwo̧. Jau chömöledö, Dios jobadönö lȩebobö a̧la̧ibenama, sulabedötjö inesö juluwadönöbi lȩebakwo̧, ja̧danö lȩebenama, Diostjö tjö̧jibobö jwitjakwedö, isabenö debö tji̧'yakwedö. Ajayinö otiwanö wene jwiinö tjö̧jobö Dios weinajayonö, isabenö jobadö tjö̧ji̧ eda̧lo̧ Diosma, otiwanö ja̧tjojobö, sulabenö ja̧tjojobö jö̧ba̧lö.
—Ja̧danö ajayinöma ja'yubenö lekwe juluwadö batjibanö katjekwinajayonö, o̧bukwobeda lekwajabetjö debö tji̧'yakwedö. Jobadönö meatö loakwo̧ Diosma, ju'wedö mikwawöködödanö batjibanö, ja̧danö wanedö yötawa, trigosacho 'witji̧danö, jo̧badönö ko̧ko̧dibö 'wibö loakobe.