Populære bibelvers fra Job 17

Del

–Dios ösödi̧danö ja̧badösa, –jö̧ba̧ladöma jwaikwöda idöda tjomukwati̧danö tjö̧jakwedö, ja̧danö, –Otiwanö ja̧badösa, –jö̧ba̧ladöma ajayitjö bajalekwönönö, –Jweinö omukwatadösa, –jö̧ba̧lö tjomukwatakwedö.

—Chuluwo̧ Dios, wanedö yöta̧la: Ka̧lena chö̧bobedanö ichejekwa, bakwo̧ latebakwa̧ midawa balada imidenanö kabatö. Jo̧kwaijayonö chö̧ji̧binö midö pjabato̧ deobe chuluwo̧, ötjöwe. Jau chuluwo̧ Dios, ötjönö jweinö tjomukwatapji jö̧ba̧lö, ökwöda tjökeba̧lajabe, ja̧danö jejenö tjökeba̧liawö̧, ötjönö pjatjatoböma öpöjödadö chuluwo̧. Jo̧kwajabetjö̧ ökwönö atebakwö, ökwöda latebakwa̧ jawa kwimidobö, otiwanö latebakobetjö̧. Jau chuluwo̧, jweinö omukwatöködö batjibanö, bidö tjomukwati̧ tjökeba̧lajabe, jo̧kwajabetjö̧ ötjönö tjujuluwoböma weköbökakwo̧ja chuluwo̧.

Tupakwö o̧'wo tjo̧achö yöa̧linobe Jobma: —Isabenö chime'dawachibajabe, wanedö yötawa, chö̧ji̧ma juluwanö tiibobe, ja̧danö wobiakoma ida̧ökö wotakwa̧ teada̧lobe.

—Ötjöwe! Chöji̧ mölema juluwanö 'dö̧ibobe, ja̧danö omukwatö chujuninama waekwobe, chomajadenö omukwatö chösödi̧bi waekwobe. Chömöledöma wajwibö ötjönö yöba̧ladö, yö̧te ji̧jayonö, –Isabenö mölȩ, –jö̧ba̧ladö, yȩa'wo okwa dö̧jijayonö, –Tjo̧wi, dewi̧ yö̧neawachiba, –jö̧ba̧ladö, wajwibö. Otiwanö pjatjatobö tjösödijayonö, wajwibadö chömöledöma, ja̧danö jwaikwöda ö'öbönö yöba̧ladö.