Populære bibelvers fra Job 1

Del

Jejenö yötjawiökwe, Jobma jwiinö o̧'wo tjoachinobe, ja̧danö a̧la̧ibö ö̧kamijido̧ kȩ'ekwö loinobe, ja̧danö öwö'ye jwobawö loinobe, jwiinö o̧'wo tjo̧acho̧sa, jö̧ba̧lö. Ja̧danö, Dios öba a'o mebö bamatö, Diosnö ösödinobe, —Chojo'do ötjönö jemenama, chitea jwibo̧nö jemijatö, ja̧danö ö'wö batibenama, chitea jwibö chȩwa̧jakwo̧sa. Chujuna̧linama, Isabenö Jo̧ chujuna̧lobö iyinobe, ja̧danö babe Isabenö Jo̧ma chujuna̧lina 'döebajabe. Isabenö Jo̧nö dösödobö jobe, –Otiwo̧ja, –jö̧ba̧lö, —Diosnö ösödö yöa̧linobe Jobma. Jobekwö okobe jwiinö jobekwö baledijayonö, sulabenö ja̧inokobe Jobma, ja̧danö Diosnö öpöjödö yöa̧linokobe, —Diosma sulabenö ja̧bo̧, —jö̧ba̧lö.

Uz nijinö bakwo̧ ö̧jinobe, Job mikwo̧ma. Jobma otiwanö wene jwibo̧ ö̧jinobe, Dios ösödi̧danö ja̧bö ö̧jinobe. Otiwanö yebabinö omukwatö ösödinobe Diosnö, ja̧danö jwaikwöda suli̧ jawa öpöjödö ö̧jinobe, Dios öpöjödi̧ jö̧balö.

Atadökwe, Isabenö Jo̧ma Awetjanö abebö a̧ja̧kwinobe: —Jobe bö̧jȩ kwebachö kwö̧jonö, chömöayo̧ Jobnö kwedaji̧? Bö̧jȩ ba̧kwemeachibanö ju̧kwadötjö, bakwo̧bi Jobdanöbo̧ma deobe, jö̧tö? Jau, Jobma isabenö otiwanö wene jwibo̧, Dios ösödi̧danö ja̧bö jo̧, ja̧danö Diosnö yebabinö ösödo̧, ja̧danö suli̧ jawa öpöjödö kabatibo̧, –Suli̧, Dios öpöjödi̧, –jö̧ba̧lö, jö̧tö? —jö̧ba̧lö abebö a̧ja̧kwinobe Awetjanö.

Atadökwe, Isabenö Jo̧ma yöa̧linobe: —Yöka̧lajadanö wamenöda ösödojobö kwedo. Okobe jwiinö Job ujuna̧li̧ ökwö kwujuluwobö chiyakwö Awetja, yöka̧laja̧danö baledakwojobö jö̧ba̧lö. Ökwöda kwösödi̧danö okobe jwiinö ujuna̧li suli̧ kwöwaedobö wetakwö, jo̧kwaijayonö Jobnö suli̧ kwöwaedoböma wetökö, —jö̧ba̧lö atadinobe Isabenö Jo̧ma. Ja̧danö atadökwe, Awetjama Isabenö Jo̧ öjelö laebinobe, Jobnö sulabenö ja̧akobetjö̧.