Populære bibelvers fra Isaías 59

Del

Ökwödönö pjabatökönö ö̧ji̧ma, baikwö labebö lobö yötawaduwakwö chömöledö: Ökwödö sulabenö ja̧bö kwö̧jaduwi̧ma, tjöekwemidanö ji̧, Diostjö 'da̧bachibö kwö̧jaduwakobetjö̧. Ja̧danö sulabenö ja̧bö kwö̧jaduwiökwe, kwö̧jaduwelö jelobekwö öjalachibajabe Diosma, ja̧danö akebaduwi̧ a̧ja̧kwö̧kö̧.

Chömöledö, kwö̧jibaduwinö pjaatokobetjö̧, Diosnö kwomukwataduwena, —Dö̧jibinö pjaatoböma juluwö̧kö̧ Isabenö Jo̧ma, ja̧danö ölakiyunö otiwanö a̧ja̧kwö̧kö̧, —jö̧ba̧lö. Jo̧kwaijayonö ja̧maökö chömöledö.

Ju'wibi yöawobe Isabenö Jo̧ma: Ja̧danö, ötjöma jobadö tjö̧jibinö pjatatajawö̧nö isabenö pjatatakwa̧ wene yöbawö chujunakwo̧sa, baikwö: Ökwödökwö jo̧ cho̧'wo luwo̧ma, la'akatjöda kwö̧jaduwelö laebökakwo̧. Ja̧danö ötjö yötawi̧, yöka̧laduwobö chiyaja̧ chiwenema, ba̧kwelöjatebö yöba̧lö kwö̧jaduwakwedöja, ja̧danö kwitji̧muduwibi ba̧kwelöjatebö yöba̧lö tjö̧jakwedö, ja̧danö tji̧tji̧mu tupadanö jojodöbi ba̧kwelöjatebö chiwene yöba̧lö tjö̧jakwedö. Bemi tupakwö, ba̧kwelöjatebö 'dö̧ibajökönö, jobekwö yöba̧lö kwö̧jaduwakwedöja, jö̧ba̧lö yöawobe Isabenö Jo̧ma.

Jobekwö lȩebiawö̧, Isabenö Jo̧ imi omukwatö yetjaibakwedö, jawo̧ meajobekwö ju̧kwadöma. Ja̧danö jawo̧ laebobekwö ju̧kwadöbi dejatinö ujulu yetjaibakwedö. Jau, Dios lȩbebö ichakwa̧ma, juluwanö ujulunö ichakwo̧. Isabenö Jo̧ labinö pjubö, ojwe buluwanö labinö isuwobö wei̧danö, juluwanö lȩbebö ichakwo̧.

Baikwö yöawobe Isabenö Jo̧ma: Ja̧ möle tjö̧jibinö pjabato̧ma Sion mösa'obe ichibakwo̧, ja̧danö Jacob itji̧mu tupadanö jojodötjö, sulabenö ja̧bö tjö̧ji̧ kabatibö balewachadönö tjö̧jibinö pjaatakwo̧, jö̧ba̧lö yöawobe.