Populære bibelvers fra Isaías 48

Del

Isabenö Jo̧, ökwödönö tjöbeba̧lö pjabato̧, Israel jojodö dösödökwe Suli̧ Jwibo̧ Diosma baikwö yöawobe ökwödönö: Ötjöma kwösödaduwökwe Isabenö Jo̧ Diossa. Ötjöda ökwödönö ba̧ja̧dö pjabato̧ma, otiwanö ja̧kwawa kwöwaisachibaduwakobetjö̧. Ja̧danö ökwödönö jwebebö öbibo̧ma ötjödasa, kwi̧'yaduwo jö̧ka̧laduwi̧danö otiwanö kwi̧'yaduwakobetjö̧. Chömöledö, isabenö ökwödönö weti̧ kwa̧ja̧kwaduwo jö̧ka̧linaduwobe. Weti̧ a̧ja̧kwö kwö̧jinaduwatjö̧ma, isabenö otiwanö kwö̧jaduwo jö̧ka̧linaduwobe. Baikwö wanedö yöta̧la, ojwe tjo'omanö kabatibökönö isuwi̧danö, ja̧danö jwaibalawa kabatibökönö ba̧kwelöjatebö loidanö, ba̧kwelöjatebö wene jwiinö ja̧nö, otiwanö kwö̧jaduwo jö̧ka̧laduwena.

Jau chömöledö, sulabenö ja̧bö kwö̧jaduwitjö̧, ökwödönö iyö lotajabe, kwöpöjojodöduwi ökwödönö tjujuluwobö. Ja̧ ökwödönö iyö lotaja̧ma, plata jawa tjimidi̧tjö iyö lotijökötö chömöledö, sulabenö ja̧köbaduwi̧tjö̧ ökwödönö lȩbebö ökwödönö tjujuluwobö wetajabe, ja̧danö tjujuluwajawö̧, usula emawö, tubinö otikwaka ö'wejenö kwöbaledaduwobedanö ichejekwa. Ja̧danö ökwödönö lȩbebajo̧, babema usula kwemawaduwi̧tjö kwö̧jibaduwinö pjatatocha.

Ina tupakwönönö ökwödönö usula kwemawaduwinö weto jö̧ta̧lena chömöledö, jo̧kwaijayonö, ötjöda chimi chomukwatobetjö̧, tjo̧wita, babe kwö̧jibaduwinö pjatatakwo̧sa. Jau, bakobe ökwödö ötjöda chömöledönö söbebö lotitjö̧ma, kwöpöjojodöma idöda tjösödawö̧nö tjomukwatena, —Ökwödö dösödawö̧ma, Dios ömöledö israel jojodönö tjujuluwajabe, —jö̧ba̧lö. Jobekwö ötjönöda otiwanö tjo̧mukwato jö̧tja̧li̧ma, ju'wedönöda tjomukwatapji jö̧ba̧lö a̧'dȩlo̧sa, ja̧danö ju'wedönö omukwatökönö, ötjönöda otiwanö tjomukwatakobetjö̧, kwö̧jibaduwinö pjatatakwo̧sa.

Ja̧danö ju'wibi yöawobe Isabenö Jo̧ma, —Sulabenö ja̧bö ju̧kwadöma, la'akatjöda otiwanö wene jwiinö tjö̧jökakwedö, —jö̧ba̧lö yöawobe.