Populære bibelvers fra Deuteronomio 1

Del

Kwuluwo̧duwi Isabenö Jo̧ Diosma kwabönöduwi kwebacho̧, ja̧danö jo̧bada kwabönöduwi 'ya̧nö, ölakwabikwawakwo̧ kwöpöjojodöduwinöma. Jau chömöledö, kwöwaisaduwa, kwedaduwonö Egipto nijitjö jo̧bada ölakwabikwawinobe, tjujulutjö kwö̧jibaduwobö, ¿jö̧tö? Ja̧danö, jojodö deobe kwekachaduwonö, kwuluwo̧duwi Isabenö Jo̧ Diosma ökwödönö öbibö e'ewinobe ichejekwa, bakwo̧ iteda itji̧nö öbibö apjö̧alobedanö, jö̧tö? Okobe jwiinö kwekachaduwi̧ma, otiwanö teada̧lö öibinobe, baikwö kwichibaduwenanö kabatö, jö̧tö? Isabenö otiwanö teada̧lö ölakwabikwawo̧ kwuluwo̧duwi Diosma chömöledö.

Ja̧danö babe kwö̧ba̧jȩkwaduwitjö̧ jwiinö tupakwönönö kwö̧ba̧jekwachaduwobö kwuluwo̧duwi Isabenö Jo̧ Dios pjaatobö chösöda, -Tjö̧ba̧jadökenanö kwö̧ba̧jȩkwachaduwinö pjatatocha, -jö̧ba̧lö yöbawö ujuninadanö, ja̧danö isabenö yöbawö ujuninadanö ökwödönö otiwanö pjaatobö chösöda.

—Chömöledö, damötjö Sinai mösa'otjö dö̧jenama, ökwödö israel jojodö Duluwo̧ Isabenö Jo̧ Diosma ökwödönö weinobe, –Tjowita, ida̧ökö lekwe bi'o mösa'otjö lekwe kwö̧jaduwajabe, ja̧danö tjo̧wi tupakwö kwi̧'yaduwobö badekwachajabe.

Jau, damötjö kwa'dödö Abrahamnöbi, Isaacnöbi, Jacobnöbi yöbawö chujunijatö, jobadönöbi, tjitji̧mu tupadanö jojodönöbi ja̧ niji isabenö chiyakwa̧ wenema, ja̧danö yöbawö chujunina badekwachinö isabenö ja̧ niji kwemaduwobö chujunajabe. Jo̧kwajabetjö̧, jobe 'ya̧nö, kwiteboduwi baibanö ja̧ niji emö, jobe kwö̧jaduwobö badekwachajabe, –jö̧ba̧lö weinobe Diosma, Sinai mösa'otjö, —jö̧ba̧lö Dios yöawina jawa yöawinobe Moisesma.

Jojodö kwöba a'o tjichibenama, nöinö tjujuna̧litjö̧böbi, jwibadö tjö̧ji̧tjöböbi, bakwainö jweinöda lȩekwa yökawaduwo. Ja̧danö lȩekwa yökawaduwobö jȩnama, jojodönö yebabökönö jweinö yökawaduwobö ja̧kobe. Diosda inesö lȩekwa luwo̧ chömöledö, jo̧kwajabetjö̧ jojodönö yebabökönö, jo̧ba wei̧da a̧ja̧kwö, jweinö lȩekwa yökawaduwobö ja̧kobe. Ja̧danö, lȩekwa yökawaduwobö waiyitjö̧ma, chöba a'o tjichibobö ökibaduwo, wene juna̧ladönö, ötjö Moises yötja̧li̧ a̧ja̧kwö lȩekwa yötawobö