Populære bibelvers fra 2 TIMOTEO 2

Del

Miya ca oe queaca'atii ba'epoquisapocue Eyacuiñajjija ebajji miya apoa epo queapame ojo echacochacopoquijji. Eyacuiñajjija esohui ebionei queaja'a baneicajji peacuana huohuiquijji bichoamaneiya. ¿Ajeo queabicho epojji oja esohui baneimajje, oja esohuijo queaca'a ba'epoquisapomajje pea-ai? Ajeopishana.

Timoteo, jamajjeya oe joya ecua dejjasho'icuana shacuima' nequi queamimishi epojjijo peanijje jjashahuabaquianitii, jama pea-aiya a'a pojji. Coma mimishicuana cajaa acue, queahuesha nequicue. Queaca'a oe pocue queaja'atii eba'epoquijji mimishiama. A'a oe Eyacuiñajjija esohuijo jjashahuabapajeaqui'yojji. Peacuanaya minijje ba'eca queajea apoquiacue. Queaquijijjijajinee ba'epoquicue. Jamaya pocue ojjaña joya queaquijijjibojea ja'anei Jesosa Quitoja bajjanijo mimipoquianicuananijje oja mimishi cuijeaca'yonajejojoya.

Jesosaja epeejjicuana joya Emeshimeseneijo chacochacopoquianitii peanijje mimijajica-ajja. Oya ca queapame ba'ecapoquijji ojjañacuananijje. Oya quenequenecuajica-ajja. Eyacuiñajjija esohui ojaya baneicajji queaja'a peacuana huohuijji.

Jamatii ese oja esohuijo jjashajja-ajjaqui'yoajja poajo, cajaa po'yajo, Eyacuiñajjiya ma ohua yahuajo huohuicapoa huisotii esohui ajeyocapoquije. Ojaya ejjashahuabaquijjicuana pea ea'yojjitii pojjeama poaje.” Jamaya poani oja esohui etehue jaa.

Joya queaquehua'yo shajjama' jayojja po'yanicuana ojaya jjapashineijje niñesheaca'yojji. Jama niñesheame aca'yajje pojja'a Eyacuiñajjiya oya pea jjashahuabaquime pomeecaje'yo oja mimishijo queaja'a eba'eo'oyajji, Eyacuiñajjija esohui queaja'a ebaneijji pea-ai.

Joya ecua Eyacuiñajjima'cuana jamatii mimijeani a'a oe jama pea-aiya mimijji. Jesosaja epeejji joya jama mimime poanicuana queamimishi popoquije, o shajja-ajjajji poajecuana pea-ai.