Populære bibelvers fra मत्ती 15

Del

पर सै जे माहणुये रे मुँआं ते बाहर औआं, सै तिसरी भावना कने विचारा रा परिणाम आ, येई तिसजो अपवित्र कराँ। काँह्भई बुरे बिचार, हत्या, परस्त्रीगमन, व्यभिचार, चोरी, झूट्ठी गवाही कने निंध्या करना, ये सारी बुराईयां मना तेई औआं इयां।

सै जे मुँआं रे अन्दर जां, सै माहणुआं जो अपवित्र नीं करदा, पर तिसरे मुँआं ते निकल़ीरा शब्द तिस्सो अपवित्र कराँ।”

“ ‘ये मेरा सिर्फ अपणे मुँआं ते आदर कराँ ये, पर तुहें हकीकत च माहने प्यार नीं करदे। ये बेकार च मेरी अराधना कराँ ये, काँह्भई ये माहणुआं रे बणाईरे व्यवस्था जो धर्मा रा उपदेश समझीने सखां ये।’ ”

फेरी यीशुये तिसाजो जबाब दित्या, “हे औरत तेरा विश्वास बड़ा बड्डा। सै जे तू चाँई, पूरा ओ।” कने तिस इ घड़ी तिसारी कुड़ी ठीक हुईगी।

फेरी सै जनाना आई कने यीशुये जो मत्था टेक्कीने बोलणे लगी, “हे प्रभु, मेरी सहायता कर।” तिने जबाब दित्या, भई “घरा रे बच्चयां (सै जे यहूदी ये) तिन्हांरी रोटी लेईने कुत्तयां रे (सै जे होरीं जातियां रे लोक ये) अग्गे पाणा ठीक नींआ।” तिसे बोल्या, “ये ठीक आ प्रभु, पर घरा रे कुत्ते बी त अपणे मालका रिया मेज़ा हेठ पैईरे किरुआं जो खांये।”