Populære bibelvers fra OBUCHACHILO 37

Del

Inyanga yindi mushilo Yosefu yaloora lilooro. Ne olwa yaboolelakhwo abasiani babwe abo, bameeta okhumusila muno.

Ne Yakobo yali niyaheela Yosefu muno okhushila shinga olwa yali niyaheela abaanabe bandi, shichila yebula Yosefu nali omukofu. Mana Yakobo nanabila Yosefu ikaanzu irambi.

Ne olwa abasiani babwe Yosefu bandi balola mbu, sabwe yaheela Yosefu okhubashila boosi, basila Yosefu khandi shibaboolanga ninaye mumulembe tawe.

Khandi Yosefu naloora lilooro lindi, ne naboolela abasiani babwe ari, “Eloorile lilooro lindi, eliuba, omwesi nende tsing'ining'ini ekhumi nandala tsibeele nitsinzinamilanga.”

Ne abasiani babwe Yosefu nibamukhalishila omukongo, naye samwana nayililisia khumakhuwa ako.

Yosefu nababoolela ari, “Recheresie emuboolelekhwo lilooro elia eloorile. Khubeele nikhubohanga ebinywa bieyingano mumukunda, ne eshinywa shianje shisinjiile shilunji, nabio ebinywa bienywe biikhung'asiye khushianje, nibishiinamila.”

Yitse, khumwire mana khumusukune mwiyabo eliamaatsi kakhamamwo, mana khuboole mbu, isolo nabulimo yimuliile, mana khulolekhwo mbu, amalooroke ako kalaba karie.”

Mana olwa abakholi beinganga ba Midiani boolaho, abasiani babwe Yosefu nibakhwesa Yosefu okhurula mwiyabo omwo, mana nibamukusia khu Abaishimaeli abo ebitonye bieifetsa amakhumi kabili, nabo Abaishimaeli abo nibamuyila Misiri.

Nibaboola abeene khu beene bari, “Owamalooro ngwoyo yetsanga.

Abasiani babwe nibalola Yosefu nashili ehalekhwo, ne olwa yali nashili okhuula, baboolelana nibarechelesiania okhumwira.

Khandi Rubeni nababoolela ari, “Mushilenje shiokhumwira, mumusukune mwiyabo lino elili mushitsiimi.” Rubeni yaboola ario kho mbu, anyalilwe okhuhonokosia Yosefu okhurula khubasiani babwe kho mbu, Yosefu akalushile samwana.