Populære bibelvers fra NINGPAWT NINGHPANG 45

Del

Rai timung, nanhte ngai hpe nang de dut kau dat myit dai majaw myit hkum ru myit; tinang hkum hpe mung hkum pawt myit: kaning rai nme law, masha asak pau u ga nga Karai Kasang gaw nanhte a shawng e ngai hpe shangun dat ni ai.

Dai rai nna nanhte ngai hpe ndai de shangun dat myit dai n rai; Karai Kasang e shangun dat ai rai nga ai: ya ngai hpe Hpara-u a kawa tai na matu mung, shi a nta up na hte Egutu mung ting a madu tai na matu mung, san da ni ai.

Ga ntsa e nanhte hpe ngam nga shangun na mung, hkye la lam kaba hte nanhte hpe jahkrung da na matu mung, nanhte a shawng e Karai Kasang ngai hpe shangun dat ni ai.

Bai Yawsep gaw, Ngai hpang de sit wa marit, ngu nna kahpu kanau ni hpe tsun wu yang, shanhte mung shi makau de sit wa ma ai. Shaloi shi gaw, Ngai gaw nanhte Egutu mung de dut kau dat ai, nanhte a kanau Yawsep rai nga nngai.

Ndai mung e ya hku hku ai ni ning rai sai: yi hkauna n galau lu na hte mam n dan lu na manga ning naw ra nga ai.

Yawsep gaw shi a kahpu kanau ni hpe mung, Ngai gaw Yawsep rai nga nngai; nye a wa naw hkrung nga a ni? Ngu mu ai. Kahpu kanau ni chyawm gaw, shi a man e hkrit mau mat ma ai majaw, ga n htan lu ma ai