Populære bibelvers fra APOCALIPSIS 3

Del

Qhawariy, nuqaqa punkuykipim wajakumuchkani, kunkayta uyarispachus punkuta wisq'aramuwanki chhikaqa, wasiykimanmi waykumusaq, jinaspataq qanwan kuskam mikhukusaq.

Tukuy ima ruwasqaykitaqa nuqam yachani. Manallataq chiri jinataq q'uñipas kasqaykitaqa yachanim ¡Ichapas ujpita chiri manachayqa q'uñi kaynayki allin kanman! Manam chiripas q'uñipas kachkankichu manachayqa llaphim kanki, chaymantam simiymanta waq'aqirqusqayki.

Pikunamanchus nuqa munakuni chaykunamanqa k'amiykuni jinallataq yachachinim. Ajinaqa tukuy sunquykiwan Diosman kutirimpuy.

Tukuy imatachus ruwachkanki chaytaqa nuqam yachani. Qhawariy, qan ñawpaqiykipiqa uj wisq'arasqa punkutam churani, mayqintachus manam pipas wisq'aykuyta atichkanmanchu, qantaq pisi kallpa kanki chhikapas, rimayniykunataqa uyariwankim jinaspataq manam nuqaman mana riqsiq tukuchkarqankichu.

Pikunachus mana walt'aykunamanta atipachkaq lluqsimunqaku chaykunamanqa, tiyakunay chhikapim uj chhikata qusaq, imaynatachus nuqaqa atiparqani jinaspataq Tataypaq tiyakunan chhikapi tiyarikupurqani ajinata.

Imaraykuchus qanqa qhapaqmi kani, tukuy imapas nuqapaqqa allillanmi kakuchkan, manallataqmi imamantapas pist'achikuchkanichu nispam ninki. Chaywampas uj khuyay, mana imayuq, wajcha, ñawsa jinataq q'arapacha kasqaykimantaqa manam riparakuchkankichu.

Ama sayk'uspa puriykuy nispa kamachisqaytaqa uyariwankim, chayraykum tukuy kaypachaman mana walt'aykuna jamuchkanqa chhikaqa nuqa qanman waqaychakusqayki, ajinamanta tukuy kaypachapi tiyaqkunaman pimanchus iyawninku chayta yanarinaypaq.

Usqhayllam jamuchkani. Imachus kapusunki chaytaqa allinta waqaychakuy, ajinamanta imatachus jap'iqanayki kachkan chayta ama pipas qichuqanasunkipaq.

Rijch'ariy jinaspataq ima allin ruwaykunatachus ruwachkanki chaykunata astawan allin kanampaq kallpacharikuy, chaywampas chay allin ruwayniykikunaqa wañupuchkanñam, imaraykuchus Diosniypaq ñawpaqimpiqa manam ancha sumaqta ruwachkankichu.