Populære bibelvers fra HECHOS 4

Del

Manam maykaqpipas qhispichikuy kanchu, imaraykuchus tukuy kaypachapi Diosqa manam waj runata payniqta qhispichisqa kananchispaq quchkawanchischu” –nispa.

Jayk'aqchus Diosmanta mañakuyta tukuchapurqanku chhikataq, may chhikapichus tantasqa kachkarqanku chay chhikaqa kharkhatirqanmi; jinaspataq tukuyninkum Ch'uwa Ajayu junt'a karqanku, Diospaq willayninkunatataq tukuypaq ñawpaqimpim sut'inta willarqanku.

Kunantaq Apu Tatay, paykunapaq manchayta quchkawanku chayta qhawariy, jinaspataq nuqayku jaywaqniykikunaman ama manchaspa willayniykikunata willamunaykupaq kallpata quwaychis.

Kay Jesusmi ima rumitachus qankuna wasi ruwaqkunaqa juch'uychachkarqankichis chay rumiqa, chaywampas kunanqa pirqa japqasiq athun rumimanmi tukupun.

Jayk'aqchus llaqta apaykachaqkuna Pedropaq jinataq Juanpaq mana mancharispa rimasqankuta rikurqanku chhika, jinataq paykunapaq mana athun yachay wasikunapi yachaqamusqankuta ripararqanku chhikataq, musphallam qhipararqanku, jinaspataq Jesuspaq yachaqaq qatiqninkuna kasqankumantaqa sumaqtam riqsipurqanku.

Tukuy iyaw niqkuna mayqinkunachus achkhayuq karqanku, paykunataq ujllatam yuwakurqanku jinataq imapipas uj sunqullam karqanku. Manam maykaqpas kaqninkunamanta pay sapallampaq kasqanta nirqankuchu, manachayqa tukuyninkupaqmi karqan.