Populære bibelvers fra Mbaromanu 12

Del

De hingir nen inja i môm a tar ne ga, kpa i̱ gema ne sha mgem u he u mhen wen sha er né kav er ishima i Aôndo i lu yô man kwagh u a doo man a kom u rumun un man shi a lu vough la kpaa yô.

Anmgbianev av, m ngu zamber a ven sha mhôônom ma kôron ma Aôndo mer, gema nen ayol a en na nen nagh ku uma a mi, icighannagh ku doon Aôndo, ka mciviraôndo wen u ken jijingi je la.

Ember nen sha ishimaverenkeghen, waan nen ishima ken ican, taver nen ishima sha msen u eren.

Kwaghbo a̱ de hembe u ga, kpa we gema hemba kwaghbo sha kwagh u dedoo.

Doo nen ayol a en tsung sha dooshima, hemen nen sha u nan ior icivir.

Dooshima a̱ de lu sha imanger ga, nyagh nen kwagh u a lu u ifer, var nen sha kwagh u dedoo.

Aluer a fatyô yô, lu nen bem a ior cii ape kwagh wen a lu sha mi la.

Ne mbadoon mo ishima, de oron nen iyev sha kwagh wen ga, kpa na nen iyugh i Aôndo ian, gadia i nger er: Ka Mo Me or iyev ye, ka Mo Me kimbi ye, kape Ter A kaa la.

Uwer u̱ de gbe ne sha gbashima ga, luun nen mbatseen asema, shiren nen Ter tom.

M ngu kaan hanmô wen sha mrumun u sha mhôôn u i nem la mer, nana̱ de nengen sha mlu u nan i̱ hemban er ma nan nenge la ga, kpa nana̱ nenge sha mnenge u mimi, sha inja i kwar u jighjigh u nan u Aôndo A kar hanma or ser ser la.

De oron iyev i ifer sha ifer ga. Ver nen ishima u eren akaa a dedoo sha ishigh ki ior cii.

Luun nen ishima i môm ayol a en, de veren nen ishima sha uzegembaakaav ga kpa ishima i̱ lu ne sha akaa a kiriki, de nengen ayol a en ner ne mba mbafankwagh ga.

Aluer ijen ia kôr orihom wou yô, na nan kwaghyan, aluer imura ia kôr nan kpaa na nan kwaghman, ka sha gbenda ne man ú haa nan akausu a kpenger kpenger sha ityou ye.

Veren nen mba ve tev ne a ican la dedoo. Veren nen ve dedoo de toho nen ve ga. Ember nen a mba ve ember imôngo. Vaa nen a mba ve vaa imôngo.

Wasen nen uicighanmbaiorov sha ugbayol vev, eren nen a mbavannya dedoo.

Er se lu a alegh kpishi ken iyol i môm man alegh cii a lu a tom môm ga yô, kape se kpaa, se lu iyol i môm ken Kristu ne, shin er se ngee nahan kpaa, se mba alegh a ayol a ase.