Populære bibelvers fra Marku 13

Del

Ior cii vea kôr ne ihom sha ci u iti Yam. Kpa or u nana taver ishima zan zan mkur yô, ka nan je á yima nan ye.

Ver nen ishima, kuran nen, gadia ne fa zum u shighe la una kuma ga.

Kpa zum u vea za a ven sha u ôron ne ijir yô, asema a̱ de vanden nyian ne sha kwagh u né za ôr ga. Kpa kwagh u á na ne hen shighe la yô, ka un je né ôr ye; gadia ka ne né ôr kwagh ga, kpa ka Icighan Jijingi je.

Sha man tar vea kar kera, kpa akaaôron a Am yô, aa kar kera ga.

Kpa iyange la man ihwa la yô, ma or fa ga, shin mbatyomov mba Shaav shin Wan kpaa ga, saa Ter tseegh.

Man shi zum u nea ungwa kwagh u utya man igwa i utya kpaa yô, ishima i̱ de nyian ne ga, akaa ne aa er keng, kpa mkur una lu a kuma ga.

Nahan yô, kuran nen, gadia ne fa shighe u Orya Una va ga, shin a lu aikigheou, shin a lu atôghatô u utuou, shin a lu sha ikeghtôngonou, shin a lu pepeou, yô, A̱ de kera va bulun ne a bul A̱ kohol ne mnya ga. Kwagh u M kaan ne ne, M ngu kaan ior cii Mer: Kuran nen.

Gadia ikurior igen ia mough num a ikurior igen, tartor ugen ua mough num a tartor ugen; ityartenger ia lu sha ajiir kposo kposo, ijen ia gba kpaa, akaa ne ka a ka mhii u ican tsô.

Kpa á vande ôron akuraior cii Loho u Dedoo ne keng.

Gadia ior kpishi vea va ken iti Yam, vea kaan er: Ka mo, Un je ne! Vea tsugh ior kpishi.

Kpa ne yô, ver nen asema sha ayol a en, gadia vea na ne ken mbamkohol mba mbaajiriv, man ken ushinagoge, á gbidye ne; né tile sha ishigh ki ugomna man utor sha ci Wam, sha u i̱ lu ve shiada yô.

Gadia Ukristu mba aiev man uprofeti mba aiev kpaa vea mough vea er uivande man akaa a kpilighyol, sha u vea tsugh uicuwanmbaiorov aluer vea fatyô yô.

Kpa sha ayange la, ken masejime u ican la, iyange ia wa ime, uwer kpaa ua kera wanger ga. Asan aa osough sha kwavaôndo, man agee a a sha kwavaôndo la aa tenger.