Populære bibelvers fra Marku 14

Del

A kaa er: Aba, Tere! Akaa cii U fa a ityô; tôôm iyongo ne kera, nahan kpaa i̱ de eren sha ishima Yam ga, kpa i̱ er sha ishima You.

Kuran nen, eren nen msen, sha er né gba ken imeen ga yô; mimi je, jijingi yô, rumun, kpa iyol yô, ngi a agee ga.

Mimi je M kaan ne ne, hanma ijiir i á ôr Loho u Dedoo ne sha won cii yô, kwagh u a er ne kpaa, á ter sha ci umbur un.

Tsô A kaa a ve er: Ishima vihim tsung je ar ken ku; tema nen heen, kura nen.

Tsô mba ngur yan yô, a tôô bredi, A sôn iveren i dedoo sha mi A coon, A na ve, A kaa er: Ngohol nen, ngun ka iyol Yam je ne.

Shi A tôô iyongo, sughun yô, A na ve; ve cii ve ma shimi. A kaa a va er: Ka awambe Am a ikuryan i he je ne, a i hee a sha ci u ior kpishi.

Tsô Yesu kaa a ve er: Ne cii, á na ne anzughul sha kwagh Wam; gadia i nger er: Me gbidye orkuranilev, ilev cii mbia sambe.

Mough nen sha, se yem nen. Nenge, u a nengen mker sha a Mo la, mgbôghom.

Yesu kaa a na er: Mimi je M kaan we ne, nyian hen tugh mbun, er ikegh ia lu a tôngo kwa har ga je tsô, ú nyiman kwa tar wer, u fam ga.