Populære bibelvers fra Mateu 15

Del

Kpaa akaa a a dugh ken zwa yô, ka ken ishima a dugh ye, ka a je, a ne or nan kera lu wang ga ye. Gadia ka ken ishima man aferakaa a henen kua iwooor man idya man iv man mbampase mba sha aie man ityuhwanev ve dugh ye.

Ka kwagh u a nyer or ken zwa man a ne nan kera lu wang ga ze. Kpa ka kwagh u a dugh ken zwa, ka a na or nan kera lu wang ga ye.

Nongoior ne ngu civir Mo sha ityumbujôôgh ve tseegh, kpa ishima ve yô, ngi ica a Mo je. Nahan ka gbilin tsô ve civir Mo, sha ci u ityesen i ve tesen la ka atindi a ior tsô.

Tsô Yesu gema kaa a na er: Kwase, jighjigh wou vese tsô; yô, i̱ er u er i sar u nahan la vough. Wan na u kwase la angev maa bee un hen shighe la je.

Kpa kwase la va, gure civir Un, kaa er: Tere, shi wasem yôô! Kpa A gema A kaa er: Doo u tôôn kwaghyan u uôn, kenden aniwaav ga. Kpa a kaa er: Een, Tere, aniwaav kpaa mba ye avur a akaayan a sha tebul u uter vev a a hee inya la.