Populære bibelvers fra Ruc 10

Del

Me ikam gapac to impeaj ne he. Wa ite me amã icarôt catia me, ite amji jahkre pej catia jõr, na ca atỳj gapacta ne cagã me, pacti kam ame gàhhuc to me apa, ne ate atỳj me pahcurê xwỳn pê me carôt to ihpec. Na quê ha nee jũ caxuw ampo itajê nõ me anõ to kên nare.

Mã Jeju cumã: ― Marta, Marta, ampeaj kam ca apu amji to ahtwỳa to amji to ahtwỳ, ne apu akrihkrit, ne to apu amji cahpêrkà. Ne ca atõj kĩnte, gàpên xà to pit mã amji kam gapac to apa. He quêt atõj te amji mã ampo pyxit peaj catihti ata capi ata pê ina hỹr, ne cute ikam hapac. Ne jũ wỳr quê jũm cupê ihkrã kam, cute ipar xà itajê to pôj ― hane.

Mã hũmre ita cumã: ― Ỹhỹ, wa ite cahyt, mã harẽn to: “Ca ha ate gĩ cunea me, acarôt cunea me, acaxwỳn cunea me, ate amji kam gapac xà cunea to, amã Pahpãm pê Pahhiti ata ihkĩn. Ne hanea ne amã amji kĩnti ita na, quê amã me akwỳ kĩn” hajỹr ― hane.

Ne me cumã: ― Ỹhỹ, pom me gàpên xà pê Pahpãm wỳr ate me to apipkjêr xà ita pê arỳjhy intep to cuprõn xà pyràac. Ne pur catia to cati, ne ramã inteptu, ne cute me to cuprõn catêjê ri cormã mencrêre. Cwỳrjapê ca ha me pur catihti to hõ tekjê ata na ahwỳ, quê hipêr me amã me to cuprõn catêjê kwỳ kujate.

Ne Jeju te me cumã Mojxe xwỳ jõ kàhhôc to hahkre catê ita cukij ne cumã: ― Mẽr hõhõ, imã amji jarẽ, mencrê atajê nõ te mõrmõ jũm xũmre ihtyc cahàc ne nõ ita to amji kwỳ? ― hajỹr. Mã cumã: ― Por cumã caprĩ ata te ri hũmre ata to amji kwỳ ― hane. Mã Jeju cumã: ― Mẽr hõhõ, ca ha tẽ, ne cuxà ate amji kam gapac xà to hanea, ne amã me akwỳ kĩn ― hane.

Ne wa ha me ato ampo pryre capônỹre atajê kra pyràac, ne rop cahàc jàprêhti atajê cajpuw me akujate.