Populære bibelvers fra Jowãw 2

Del

Hõhõ, pê Jeju carôt kôt ampo pihho ton kam to tẽm to hane, ne ajco carôt to ipipẽ to ipa, Têtêc jõ krĩ kam, Hĩpôjajo jõ pjê kam. Ne pê carôt tỳjti impejti ata to me cumã ajpẽ. Pê wa me ipê ihkôt me ipa catêjê, itỳj amji mã me to ihimpej, ne mempar pyrentu.

Mã Jeju te impar ne cumã: — Ampo caxuw mã ca inxê apu imã ita jarẽ? Nee ate imã ita jarẽn xà hamreare, wa ramã ite hahkre pej. Ne cuna mã cormã nee ite ampo itajê nõ ton xà kam hàhhuc nare — hajỹr.

Mã ahtũmre mã, Jeju amji kĩn jõ pahhi mã me hàpên catêjê atajê wỳr tẽ, ne cute me cumã harkwa to: — Cô to me pot itajê to me hipu partu — hajỹr. Mã ihtỳj harkwa kôt cute me to hipu partu. Jirô pê mã ri cute me cumã harkwa to: — Caxi me cô ita crire ne me haxà, ne amji kĩn jõ pahhi wỳr me to tẽ, ne me cumã agõ, quê capi — hajỹr.

— Ca ha me Pahpãm jũrkwa ita hu, wa ha hacpỹa mã amcro incrê peaj kam hãm, ca ha cormã ihkôt Pahpãm te ahna imẽn na me ijahkre pej — hajỹr.

Ne ame kam incryc, ne me caxuw cute pàrcuxê to mehcahhyr xà ton, ne põ mã mehcunea to cator, ampo atajê mea mã. Ne cute ihpore to me hàhpan catêjê pê ihpore pyxwỳr xà mẽn, ne pjê kam hõ pore jaxwỳr partu. Ne cute, por ihpore na me tutti to hàhpan to me ipa atajê mã harkwa to: — Ikre ita pê ampo itajê cunea to me gapôj partu! Ne nee ca Inxũ jũrkwa kam apu amji mã ampo itajê to ihpore na me gàhpan to me apa nare. Xà aracri Inxũ jũrkwa ita pê ampo to ihpore na kam me hàhpan xà? — hajỹr.