Populære bibelvers fra एफिसी 6

Del

तलेबिस्याँ ङ्यो म्‍हिमैंने नेब्मैं आङिं, ङ्योम् शासकमैं, अधिकारमैं, चु जुगए मिछु खैबर टिबै दुष्‍ट शक्‍ति मुँबै सैमैं नेरो परमेश्‍वरलाइ आम्‍हाँदिबै ताँन् स्‍यागि-म्‍होंगिमैंए बिरोधर नेब्मैं ग।

च ताँन् के लमा तोन्‍दोंरि ताँर तो सै चैदिले या प्राथना लदै परमेश्‍वरने ह्रिद्। झाइले ह्रोंसए ल्हागिर मत्‍त्रे आङिं, ताँन् बिश्‍वासीमैंए ल्हागिरै या प्राथना लद्, खोंयोंन् बिलै न्ह क्रों मि क्रोंले चमैंए ल्हागिर प्राथना लरिद्।

दुष्‍टए बिरोधर राल् खाँबै ल्हागिर परमेश्‍वरए बचन खोंयोंन् बिलै क्हेमैंए सैंर थेंन्।

छतसि परमेश्‍वरए बचनइ बिब् धोंलेन् प्रद्। छले प्रसि क्हेमैंए फिर खैबै दु:ख तना बिलेया सैदिल् खाँब्मैं तद्।

धै दुष्‍टइ पिबै मि प्हैंइ ह्रोंसलाइ आटबै ल्हागिर खोंयोंन् बिलै परमेश्‍वरए फिर्बै बिश्‍वासर भोंब तरिदु। झाइले तो सैज्यै या क्रर आटरिगे बिसि पैए कुले कुब् धोंलेन् परमेश्‍वरजी ङ्योलाइ जोगेमिंइमुँ बिसि खैलसे था सेद्। धै पबित्र प्ल्हजी पिंबै सेलाँ छेद्। च तो जा बिस्याँ परमेश्‍वरए बचन ग।

शत्तुरमैंए उँइँर भोंन्‍ले टिद्। क्रेर फगिइ फैब् धोंले क्हेमैंए सैं परमेश्‍वरए क्ह्रोंसेंन्बै ताँइ फैद्। झाइले तिं नेरो फोए रक्षा लबै कोट खिब् धोंले छ्याँबै खोंउँइँले ठिक केमैं लप्रद्। जुत्ता प्हलेने क्ह्रिब् धोंलेन् म्हिमैंलाइ परमेश्‍वरने क्ह्रिमिंबै ल्हागिर खीउँइँले खबै सैं तोंबै ताँमैं बिप्रबर तयार तद्।

आखिरिर्बै ताँ चुन् ग: प्रभुने घ्रिन् तसि खीउँइँले योंबै शक्‍तिर क्‍हेमैंए सैं भोंब् लद्।

परमेश्‍वरजी स्‍योंम्‍बै मोशालाइ पिंबै ठिमर्बै मुख्‍य ताँमैं न्होंर छले प्ह्रिइमुँ, “क्‍हेमैंइ ह्रोंसए आबा-आमाए मान लद्।” बाछा फैसि परमेश्‍वरजी क्हेमैंने ललन् त्हुम् बिबै ओंसोंबै के चुन् ग। छ लस्याँ “क्‍हेमैंइ लबै तोन्दोंरि केमैं छ्याँब तब्‍मुँ, धै चु ह्‍युलर क्‍हेमैंइ ह्रिंबै छ्ह योंब्‍मुँ।”

ओ प्हसेमैं, प्रभु येशूलाइ म्हाँदिसि ह्रोंसए आबा-आमाइ बिब ङिंन्। छ लब ठिक के ग।