Populære bibelvers fra Eklesiastee̱ 2

Del

Ngatꞌa̱ Néná, kui xota̱ xi nda ꞌbókaa̱, tsjaá kjo̱a̱kjínkón, ko̱jo kjo̱a̱kjíntakón, ko̱jo kjo̱a̱tsja, ta̱nga xota̱ xi tsꞌénjeé, Néná tsjaá xá, tsi̱ꞌe̱ nga kui kjo̱a̱ꞌáꞌyá, ko̱jo kjo̱a̱ꞌátikó ni xi jaskan Néná sa̱ꞌínkꞌasꞌiee̱n kui xota̱ xi nda ꞌbókaa̱ kui. Kó ngayeje kui nii̱, ti̱ ta̱kjo̱a̱ndaní bo̱a̱, kó ta̱ tsꞌénboa tsíná.

Jmíjín ingo ni xi nda ngase, nga xota̱ nga̱sondiee̱ skji̱ni̱e̱ ko̱jo kꞌuí, ko̱jo nga tsja ka̱maa̱ ini̱ma̱a̱ nga kꞌuijñá nga̱sondie kjo̱a̱a̱ xaá. Kó jè kamábe an nga kui nii̱, ngi̱ya tsja Néná ndibání. Ngatꞌa̱, ꞌyání xí nda ngase skji̱ni̱e̱ nichinie, ko̱jo xi nda ngase skoón yojoo̱, xikoó án.

Sꞌe̱ askotsijèe̱n ngayeje xá xí je katsꞌen an, ko̱jo xikó kjiꞌi kisꞌingina nga katsꞌen an, kó kꞌi̱e̱ bí nga kamákjínna nga ngayeje kui nii̱ ta̱kjo̱a̱ndaní bo̱a̱, kó ta̱ tsꞌénboa tsíná, kó nga jmí ni chjíjiín kꞌi̱e̱ kui nga̱sondiee̱.

Ngayeje ni xi kamámejénna nga skuie an, kamábe an, ngayeje kjo̱a̱tsja xi kamámején ini̱ma̱na, katsꞌenkjatjosón an, ngatꞌa̱ ini̱ma̱na tsja kamaá kjo̱a̱a̱ ngayeje xá xí katsꞌen an, kó ngayeje kui nii̱ xi katsꞌen an kjo̱a̱a̱ kui xaá.

Jè kamábe an nga kjo̱a̱kjínkoón foaꞌatjoón kjo̱a̱kitikjo̱a̱a̱, xikótsꞌèn ndiꞌií foaꞌatjoón nga jñoó.

Xota̱ xi kjínkoón be boá nínga fí, ta̱nga xota̱ xi kitikjo̱a̱a̱ jñó boá nínga fotsoꞌbá, ta̱nga ti̱ kamákjínna nga ni xi ka̱maa̱ ngo, ti̱ bo̱a̱ ti̱ ka̱maa̱ xi ingoo̱ nga.

Kjiꞌanga ngo xota̱ xi sa̱ꞌínkjién kjo̱a̱kjínkoón, ko̱jo kjo̱a̱kjíntakoón, ko̱jo kjo̱a̱kixi̱i̱, kósꞌe̱ sa̱ꞌinkꞌasꞌiee̱n ni xi kisꞌiee̱, ngo xota̱ xi jmí ni kisꞌingíjiín, ngayeje kui nii̱ xi ti̱ ta̱kjo̱a̱ndaní bo̱a̱ nga, kó ta̱nisién ndajínkjiꞌi.