Populære bibelvers fra Ndeuteronomio̱ 1

Del

Néná boá xi tsjiéntjónná, kó kuí boá xi skja̱n ngajoná, xikótsꞌèn askjan ngajoná ki̱a̱ nangi Ejiptoo̱, kósꞌe̱ kui kitsjientjónná nga tsangín ndi̱yà xí fíni nangi kixí. Kuí boá xi jeꞌejo̱ná ngaskande kꞌi̱e̱e̱, xikó maá tsi yinkꞌáná, kó ngaskande ngotꞌe̱ ꞌne̱ jmí ni kjimajínná. Kuí boá xi na̱ꞌminá ngotꞌe̱.

Kui ni̱xtjin jàn, Néná jè achichí xota̱ tji̱e̱ je katsjájnú, kó ngo na̱xi̱ńdá xí achichí ꞌniú je, je kamájnú. Kó ti̱ ánní bo̱a̱ xi tsíꞌáa̱ Néná tsi̱ꞌe̱ nga sa̱ꞌínchikonñéjnú, ko̱jo nga ngo mi̱ ndi̱yà ngase nga kjín ngase sa̱ꞌínjnú, xikó kjiꞌi je májnú. Kósꞌe̱ kjiꞌá boá nga kamákjínna nga ka̱májínna nga an so̱bo̱a̱ sa̱ꞌindajin an ngayeje kjo̱a̱xtijnú.

Kjiꞌanga tindyión ki̱a̱ na̱xi̱ Oree̱b, Néná katsjáná kuí eén: Achichí tsie je kamájnú ki̱a̱ kui na̱xi̱i̱

Tangínjnú kó ti̱ꞌantsa̱júnjnú kui ngi̱ndiee̱ nga ku̱i̱xkánjnú, ngatꞌa̱ án boá xi tsjajnúꞌun kixiáa̱n Abraa̱n, ko̱jo Isaa̱, ko̱jo Jakoo̱b. Kó ti̱ bo̱a̱ kixiáa̱n nga ko̱jo jún tsjajnúꞌun, ngatꞌa̱ jún boá xi xota̱ tji̱e̱e̱ kui xotaa̱. Moisee̱ bi̱ katsó ngasee̱ kui xotaa̱

Kó kuí má chi̱bo̱a̱a̱ nga bo̱a̱ kixianjnúꞌun jún ngayeje ni xi chjiéngá si̱ꞌánjnú. Kó bo̱a̱ kixiáa̱n já nendiꞌamasiee̱n nga ta̱són nga kixi̱ sa̱ꞌínjo̱ ngayeje xotaa̱, jmí ndasénjín tsi xota̱ ni̱ma̱ ko̱jo tsi xota̱ cho̱n, tsi xota̱ Israee̱l, ko̱jo tsi xín nangi chji̱a̱ni, kó nga ngojín ni ko̱jo tsi xota̱ xi stsa̱kjo̱ón, ngatꞌa̱ Néná boá xi ko̱síko̱jo nga nijan ka̱ma ni xi sa̱ꞌín. Kó ti̱ bo̱a̱ kixiáa̱n nga kjiꞌanga sa̱ko̱ó ngo kjo̱a̱xti xi ta̱nisién niꞌìn, an nga tsangiyana, tsi̱ꞌe̱ nga an sa̱ꞌindajin an.