Populære bibelvers fra Rooma 11

Del

A mehe Waakh a uumacchoti walah tuummane, usu on ka walah tuumman lasoouume toro la walah tuumman usu liisoouume. Jirtuu tuumman usu a lakoolicho. Aamiin.

ꞌHay! Wihi Waakh garti ichoow kharati Waakh a too geeddohe? Enenna a buure! Ayyo maanta wihi Waakh gooche ꞌdubicho bahcha? Ebba! Toro la ayyo jitiis garta? Ebba!

“Ayyo mali Kamur garta? Ommos ayyo Waákh waanicha?”

Toolla laka a iꞌdaas one, Waakh haaggiiski buurenye inno imunneynan ka, ꞌdooꞌdoo rucchule soobahsate, isisooꞌhaache. ꞌDooꞌda Waakh soobahsate jeenteti icho wohoo haaggan iyeeleen menye, a jeenteti haaggi Waakhe buure on. A mehe chirri Waakh wihi enenyet yeele yeyo, kootte ꞌdeerka iꞌdaakka haaggaas kola haaggi Waakhe buure mee gon.

A iꞌdi liikhimohoo geeyi oolife gos goyaka bahe geeyaas lakasoojebche. Atinhi ꞌdooꞌdi ilassi addane iꞌdi liikhimohi geeyohi oolife yibaat u, a atin lasookhaate geeyi gos goya kabahe atin lakakabe. Maantaka atin laka subakki hiiyyassi geeyaas oolif kayamiit a ꞌhessaan. Geeyaas oolif la a iꞌdi ꞌdooꞌdi Issiraayel. Toollaka atinhi liikhimohi geeyi oolife yibaate, ꞌdooꞌdi liikhimohi Waakh jebchee, sarcho iisgeenna. Chirri atin sarcho isgeessaan waha abda, atin alah hiiyyay menye a liikhimo on. A mehe hiiyyaye liikhimo goollicha.