Populære bibelvers fra Rooma 10

Del

Farniinka la a mehe ya, chirri at afaah ka, “Yeesso usu Kamure,” cheekto, uuraah ka la saggi Waakh Yeesso omoot ka isookahche rummeysatte, Waakh a kiriba.

Iꞌdi tahe uuraahha Yeesso karummeysatta, wahaas la mehe delaan ya, Waakkhi eti fissan kiekkaacho. Toro la chaꞌat ꞌdow ka saggi at Yeesso rummeysatti cheekto, waha mehe delaan ya, Waakkhi kiribo.

Maantaka kakhuufnaanki Waakh lakakhuufo Wora Haaggane ladaago kayamiit. Wora Haaggan la chirri wori Kiriisto miinsan lacheeko iche ladaaga.

Iꞌdi Chiirnaanneti Waakh lakachiiruu, “Eti tuummane usu kakhuufo, lakhaanyo ma lakadowo.” Waha mehe tusaan ya, eti Yaꞌhuude ichoow eti Yaꞌhuud ieheynan seley ma gaan. Kamur a Kamuri enenyet tuummane, ulla eti tuummane usu wahe, weyti imaala. A mehe iꞌdi Chiirnaanneti Waakh liikachiiruu “Eti tuummane magahi Kamur waho, Waakh a riba.”

ꞌDooꞌdi wora cheeko la saggoh woraas ꞌdooꞌd ieleelicha chirri liiergin? Iꞌdi liichiiruu, “Luhti Wori Haaggan keento, weyti lagantahe!”

Iꞌdaasenyi, saggoh Kamuri icho irummeysan iwahaan? Toro la chirri icho woriis idaagin, saggoh Kamura irummeestaan? Toro la saggoh wora idaagaan chirri etoo wora ikacheekin?

Kiriisto jiti amurre Muusa laraaho ꞌdee enenyet ꞌdooꞌdi fiffissan lakayeelo a massiche, ꞌdee eti tuummane Kiriisto rummeeste, Waakh eti fissan iekkaacha.