Populære bibelvers fra Uro 1

Del

N ba zoro a Ŋmen-yelnoore vi, bonso, o waa la Naaŋmen kpeɛ̃õ a ko neɛzaa naŋ taa yeldeebo ka o nyɛ faabo. A Gyuumine la a danweɛ deme, kyɛ ka a Giriki noba meŋ pãã tu.

Bonso a Ŋmen-yelnoore poɔŋ la ka Naaŋmen maŋ iri O mennoŋ wuli a yi yeldeebo piiluu te ta yeldeebo baaraa; aŋa ba naŋ da sɛge a lɛ, “Soba na zaa naŋ e nemmeŋɛ, na taa la o nyɔvore ne yeldeebo.”

A yi a tendaa piiluu saŋ zaa, Naaŋmen kpeɛ̃õ naŋ ba taa baaroo ane O Naaŋmennoŋ waaloŋ, aneazaa ka nimiri koŋ baŋ nyɛ a, kyaane ko ba la a yi O bommaale zie ka ba baŋ a tɛgɛ. Azuiŋ ba ba taa gaafara zaa na tere

aneazaa ka ba da baŋ la Naaŋmen kyɛ ba da ba eŋnɛ O aŋa Naaŋmen bee a puori O bareka, kyɛ ba da leɛ taa la teɛroŋ laama, ka a ba dambol-yɛŋ da leɛ ligi.

bonso, ba da de la a yelmeŋɛ naŋ kyaare Naaŋmen a tɛge ne zirii kyɛ puoro, a tonɔ korɔ bon-iraa kyɛ bare a Boma Ire, Ona la taa puubu tegitegilɛ! Ameena.

A Naaŋmen supuriyaaraa sãã la sazu sigre waana ka O zɔɔ ne banaŋ zaa naŋ de ba yelfa-yɛlɛ ane potuoloŋ pigre ne a yelmeŋɛ.

A ŋaa zuiŋ, Naaŋmen da bare ba la ko ba vɔlfa-dɛgɛ. A ba pɔgeba da de la dɔɔ ane pɔge sɛŋgaabo yɛlɛ naŋ tu sori tɛge ne sɛŋgaabo yɛlɛ naŋ ba tu sori. A lɛ ne o zu meŋ ka a dɔbɔ da bare dɔɔ ne pɔge sɛŋgaabo yɛlɛ naŋ tu sori, kyɛ kpimare dɔɔ ne dɔɔ bɔtaa eŋɛ, a erɛ yɛlɛ naŋ e vi yaga ane ba dɔɔ taaba, a lɛ zuiŋ ba da nyɛ la dɔgroŋ na ba yelfaare naŋ bɔ ko ba. Kyɛ ba naŋ da ba nyɛ ka a seŋɛɛ la ka ba ko Naaŋmen O gyeremɛ zuiŋ, a Naaŋmen da bare ba la ka ba taa ba teɛre faare a erɛ yelfaare naŋ ba seŋ ka ba e.

Ba naŋ de bamenne ka ba waa la yɛmbaŋnema, ba da leɛ la dambolo; a de puubu naŋ seŋ ka ba de ko Naaŋmen naŋ koŋ baŋ kpi a korɔ tebɛ naŋ yi ne nensaala naŋ na baŋ kpi, bee bon-ɛgre, bee doŋgbɛɛ anaare, bee bonvuuri.