Populære bibelvers fra Romnima 16

Del

Ka Naawuni ŋun nyɛ suhudoo ni yiri so sanna ŋɔ ni chɛ ka di ku yuui ka yi du n-tam Sintani zuɣu n-no m-bɔr’ o. Ti Duuma Yisa Masia daalibarika kpalimmi be yi ni!

M mabihi, n kpamdi ya jaande ni yi kpahimmi ninvuɣ’ shɛb’ bɛn tahiri naŋgbankpeeni mini woligibu din chihiri wuhibu shɛli yi ni daa pun dee’ la nol’ la. Kaɣimiya ba!

Dama niriba lala tatabo bi doli ti Duuma Yisa Masia, amaa bɛmaŋmaŋ’ kɔre ka bɛ doli, ka mali yɛtɔɣ’ suma mini naŋgbammalisim yɔhindi bɛn tɛha bi zilima.

Chɛliya ka ti paɣiri Naawuni! Ŋuna n-nyɛ ŋun ni tooi kpaŋsi yi suhuri n ni yihiri lahibal’ suŋ shɛli waazu la zuɣu. Dina n-nyɛ Yisa Masia yɛla yɛtɔɣa la mini ashili yɛlimaŋli din daa sɔɣi kurimbuni ha, amaa ka yipa kahigi wuhi palɔni pumpɔŋɔ la. Yɛlimaŋli maa kahigi wuhila palɔni pumpɔŋɔ anabinim’ sabbu puuni, ka Naawuni ŋun nyɛ saha din ka bahigu lan’ ŋɔ chɛ ka zuliya kam zaa baŋ li ni di chɛ ka niriba niŋ yɛda ka deeg’ o noli. Paɣimiya Naawuni ŋun kɔŋko nyɛ yɛndan’ ŋɔ hal ni saha din ka bahigu Yisa Masia zuɣu! Ami!