Populære bibelvers fra Yohana 2

Del

Khano nikho khabonelo khe kamakaanga kheesi Yezu anyoowelakho khukholela i Kana, mu Galilaaya. Aryo wokesanisa shiriifwa sheewe, ni baleekelwa beewe bamufukiililamo.

Yezu wamulomela ari, “Maayi, iwe ukana khundakila ise she khuukhola? Imbuka yase ishiili khukhwoola taawe.”

Yezu waloma babakaanisi ari, “Ni mwitsuse kamayingu ako ni kameetsi.” Nabo baketsusa khukhwoolela ilala khu minwa. Lwanyuma wabaloma ari, “Ni mutahekho muyilile umuraangilisi we kamayiiya.” Babakaanisi batahakho bamuyilila.

Yezu wabeelamo ari, “Ni mufuniaake Lisaayilo Likhulu lino, ni nase indilyombekhela mu bifukhu bitaru.”

Aryo Yezu wabukula kimikosi warukhamo kumusariti, wabatimisa boosi khurura mu Lisaayilo Likhulu, atweela ni tsisheese, ni tsikhaafu. Wahanyaka tsinusu ts'abo babaaba nga bayuusaŋana tsinusu. Wafumalikhaka ni tsimeetsa tsaabwe. Waloma abo babakulisa kamawuusi ari, “Bino ni mubirusewo ano! Shimwaakha mwakalusa intsu ya Paapa wase, mwakikesa khuuba intsu ye khukulaanilamo ta.”