Populære bibelvers fra Bl 37

Del

Jôsep đei tep apo; na roi ăn kơ lu 'nhŏng oh sư mơ̆ng lu 'nhŏng sư rai blĕk kơ sư dêh. Đơ̆ng noh sư roi thoi âu: Inh đei tep apo 'bôh

Isơrael 'mêm kơ Jôsep hloh kơ lu kon drŏ-nglo sư nai, yua kơ hơiơch kơ Jôsep tơpo sư kră boih. Na sĭt ăn kơ sư ao tai đei lơ brông.

Lu 'nhŏng sư 'bôh 'bă sư 'mêm kơ Jôsep hloh kơ lu sư, na lu sư đei jơhngơ̆m klai monh kơ Jôsep, đơ̆ng noh ưh pă gơh pơma pơ'lơ̆ng hăm sư dơ̆ng.

Jôsep tep apo dơ̆ng, roi dơ̆ng kơ lu 'nhŏng oh sư thoi âu: Inh oei đei apo pă minh dơ̆ng: 'Nâu đei măt 'năr, măt khei păng mơjĭt-mônh tŏ sơnglŏng đĭ-đăng tă kơ drap kơkuh 'bơ̆t anăp inh!

Lu 'nhŏng sư blĕk kơ sư rai dêh. Gah 'bă sư răp gô lăng tơdrong noh.

“Apinh lu iĕm mơ̆ng inh roi.” Lu bơ̆n oei lăm mir chô̆ 'ba hơchô̆ 'ba inh oei dơ̆ng, mă lu hơchô̆ 'ba iĕm năm drap tăp dăr kơ hơchô̆ 'ba inh, drap pơđĭ 'bơ̆t anăp hơchô̆ 'ba inh.

Dang ei thoi âu: Bĕ lu bơ̆n pơlôch sư, na gô klơ̆m lê̆ lăm sơlŭng đak ayơ ayơ na lu bơ̆n gô khan thoi âu: Đei lu sem bri châu sa sư, đơ̆ng noh bơ̆n gô lăng tơdrong apo sư noh gô jing thoi yơ?

Thoi noh, kơplah lu bơngai Madian khŭl mơdro yak rok ei; lu 'nhŏng sư hơtŏk Jôsep đơ̆ng lăm sơlŭng đak, đơ̆ng noh tĕch lê̆ sư 'bar hlak jên hu kơ lu bơngai Ismael chông ba tơ char Êyiptơ.

Lu sư pơma tơduă lu sư thoi âu: To! Bơngai mă tep apo truh boih to!

Lu 'nhŏng sư tơmang 'bôh sư oei ataih, lu sư pơđâu wă pơlôch Jôsep.

Sư khan dơ̆ng lu bơ̆n 'nĕ kơ pơm truh pham lĕch; iŏk rôp klơ̆m lê̆ sư tơ lăm sơlŭng đĕch păng bơ̆n 'nĕ kơ pơrăm lê̆ sư păng ti bơ̆n. Sư pơma thoi noh sư wă pơklaih Jôsep đơ̆ng ti 'nhŏng oh sư, wă kơ tơbrŏk tơ 'bă lu sư.