1
Abosolo 4:12
Baibolo Mbuga Huli
HUI
Ibuni degeme pele ngibehe ka. Dindi bibahendeni ina pele ngulene mende nahe Yasu ibu dege Ngode Datagaliwabehanda nginigo, lalu Pidahanda lene.
Sammenlign
Utforsk Abosolo 4:12
2
Abosolo 4:31
Tigua Ngode Datagaliwabehondo bi lai hayagola anda ti ngoai ho bereago ema bialu dumbirumbi ale bini. Ani biyagola Ngode Datagaliwabe Dinini ibugua tiha to̱lai hayagola tigua Ngode Datagaliwabe bi mana hongo howa lamialu hene.
Utforsk Abosolo 4:31
3
Abosolo 4:29
Anigo Anduane Homogo-o tigua ina bolenaga bi hongo howa lalu hayago í̱ manda bibe. Iname í̱naga biabe bia haga kamago ti hondowa gi nahe í̱naga bi mana elahe howa loloma̱ya mo hongo habe larama.
Utforsk Abosolo 4:29
4
Abosolo 4:11
Anduane Homogonaga mbugani bi lo ngago ogo, Tí anda biaga kamirume ege to̱le̱ mbira handabe manga ho harimigo ege to̱le̱ ogoni timbuni duniniore ho heleda, lalu gilibu ngago ogoni ibu Yasu ka.
Utforsk Abosolo 4:11
5
Abosolo 4:13
Ganisolo agali biarume Pida Yonelame gi nahe hongo howa bi lalu heago libu agali damene dege sigulu nabini howa bi tara layago hondowa mogolo hendene. Ani hondowa tigua libu Yasu heba haabo haraligo manda bini.
Utforsk Abosolo 4:13
6
Abosolo 4:32
Yasu mana yu tiga bu hearu ti minimebi gubalinimebi mbiraore ho hene. Ti mbiraore ho howa tinaga mbirale mbirale wiaru i̱ni hangunaga nale buru pale hearu talebu migi bini.
Utforsk Abosolo 4:32