Populære bibelvers fra Noo Mian 9

Del

Eisht doort e roosyn va sheer geyrt er, Ta’n fouyr dy jarroo palchey, agh ny labreeyn beggan. Guee‐jee shiuish er‐y‐fa shen er Chiarn y fouyr, e dy chur magh labreeyn gys y fouyr echey.

Agh gow‐jee shiuish as ynsee‐jee cre ta dy ve toiggit liorish y raa shoh, Ta mee ny sbooie er myghin ny oural: son cha daink mish dy emagh er y vooinjer chairagh, agh er peccee gys arrys.

¶ Agh tra honnick e yn chaglym moar dy leih, ve er ny veyghey lesh chymmey orroo, er‐yn‐oyr dy row ad ass cree, as nyn lhie noon as noal, myr kirree fegooish bochilley.

Agh cheayl Yeesey ad, as doort e roo, Cha vel feme ocsyn ta slane er y lhee, agh ec sleih chingey.

As hie Yeesey my‐geart ooilley ny ard‐valjyn as ny baljyn beggey oc, gynsaghey ayns ny kialteenyn oc, as preacheil sushtal yn reeriaght, as leihys dy chooilley hingys as dy chooilley ghoghan mastey’n pobble.