Populære bibelvers fra Tyai Á̱zanson 7

Del

Nang si̱ huni nswak a̱ni, n si̱ kin di a̱gba̱ndang á̱kpa á̱niet, nang á̱ si̱ mi̱n fang a̱ni bah! Ba̱ neet mi̱ kuzang a̱byin, nwap, kwaí, ma̱ng a̱lyem, nang ba̱ yong a̱zaghyi a̱gba̱ndang chuk tyok wu ma̱ng Fi̱ng A̱nfwuk hu. Ba̱ si̱ khwi a̱junjung a̱sai a̱yaatoot. Ba̱ si̱ ba̱ng mbwak ntswan.

Ba̱ si̱ koot a̱gugwong ma̱ng a̱gba̱ndang a̱nwuat nyia̱, “San sang sangba̱p neet da̱ a̱vwuo A̱gwaza nzi̱t, a̱ swan da̱ a̱gba̱ndang chuk tyok wu a̱ni; a̱wot ku si̱ neet da̱ a̱vwuo Fi̱ng A̱nfwuk hu!”

Mat Fi̱ng A̱nfwuk hu ku yong da̱ a̱beam a̱gba̱ndang chuk tyok wu a̱ni, nggu wa na chok ba! A̱ bu nat ma̱ a̱mba di̱ nnang a̱sa̱khwot nwuat swuan. A̱wot A̱gwaza na lyang mba kuzang ndang a̱ghyi ma̱ á̱ghyi mba ba!”

Mat a̱nia wa, ba̱ ni̱ ngyong a̱zaghyi a̱gba̱ndang chuk Tyok A̱gwaza wu, á̱ dyep gu, a̱ta̱mam ma̱ng a̱tyetuk A̱mali Nwuat Za̱nang nggu ka! A̱wot nggu, a̱tyu a̱ swan da̱ a̱gba̱ndang chuk tyok wu a̱ni, a̱ na yet ba a̱ghwaghwu. Ba̱ bu byia̱ fa̱k zong, ku mashyi bah. Di̱ mam, ku bu na shwai mba bah; da̱ a̱vwuo ka̱ bu na gurup mba bah.

a̱wot a̱ si̱ nyia̱, “Nyi yok byian a̱byin, kyai a̱sa̱khwot, ma̱ng a̱ka̱kwon na bah; si̱ nang zi̱ ya ntyei á̱khwo A̱gwaza ba zwunzwuo a̱zakpeang!” N si̱ nfa̱k a̱mgba̱m á̱kpa á̱niet khwi, nang á̱ chak ba zwunzwuo A̱gwaza ji a̱ni. Ba̱ tat chyikwop chyi ma̱ng chyikwop swak naai ma̱ a̱naai (144,000)! Ba̱ neet mi̱ a̱mgba̱m kwaí swak ma̱ a̱feang Isi̱rela ji.