Populære bibelvers fra Ma̱rkut 11

Del

Huhwa mbyia̱ nang n nyia̱ ma̱ng a̱nyin, jen nang nyi nnaai A̱gwaza kyang a̱ni, a̱wot ka̱ nyi nwuak a̱chuchuk nang nyi wa ka̱n san hu wa a̱ni; nyi na shya̱ nhu.

A̱tsak a̱lyiat, n hyia̱ ma̱ng a̱nyin, ka̱ a̱yin nyia̱ ma̱ng a̱fan kani, ‘Doot a̱ji, a̱ si̱ kwa mi̱ kyai a̱sa̱khwot!’ Da̱nang gu but mi̱ fwuo bah, a̱ si̱ bu nwuak a̱chuchuk di̱ kyang gu hyia̱ a̱ni; á̱ na nyia̱ gu ndyo.

“A̱wot kuzang jen nang nyi shya̱ di̱ naai A̱gwaza a̱ni, nyi si̱ jhyung nang nyi mba̱ng a̱yin mi̱ fwuo, nyi chi gu ndyo. Da̱nian A̱tyia̱ nyin wu a̱ shya̱ tswazwa ka a̱ni, a̱ ma na chi nyin a̱ka̱tuk nyia̱ nyin wu.”

Yesu si̱ nwuak ba shim nyia̱, “Nyi nwuak fwuo da̱ A̱gwaza.

A̱ si̱ bu gba mba nyia̱, “N gyei á̱ lyuut ma̱ A̱lyiat A̱gwaza na nyia̱, ‘A̱li nung ka na yet a̱li naai A̱gwaza kya a̱mgba̱m nnwap mi̱ swanta naa?’ Da̱ a̱kwonu a̱kya, nyi bwuak ka ntyia̱ kuu á̱niet á̱tsaai!”

Á̱niet ba̱ kwak a̱son Yesu ma̱ng á̱si̱ ba̱ khwi gu lilyim a̱ni, si̱ koot a̱gugong nyia̱, “Hosana, Hosana! Zi̱ dyep A̱gwaza! Shok yet si̱ a̱tyu, a̱ chobai ma̱ng Tyok A̱gwaza A̱tyoli a̱ni!

A̱gwaza gu nwuak shok di̱n tyok a̱tyia̱ a̱khwop nzi̱t hu Da̱wuda ku chobai a̱ni! Zi̱ dyep A̱gwaza Tswazwa!”