Populære bibelvers fra Yoona 6

Del

Yesu si̱ nyia̱ ma̱ng a̱mba a̱ni, “Nung gwa ngyet kyayak nwuat swuan a̱hwa. A̱tyu a̱ bai da̱ a̱vwuo nung a̱ni, a̱ bu na mak fa̱k zong bah. A̱tyu a̱ nwuak fwuo da̱ nung a̱ni, a̱ bu si̱ mi̱n fa̱k mashyi bah.

A̱za̱za̱rak Ntswa wa nwuat swuan ji. Chet vam a̱tyubishyi yet kyang bah. Swáng A̱lyiat nang n dyiat ma̱ng a̱nyin a̱ni, ji ja neet da̱ a̱vwuo A̱za̱za̱rak Ntswa ka. A̱wot ji̱ si̱ nwuat swuan.

“Nyi yok veang chat nkyayak na̱ na byian a̱ni bah. Da̱ a̱kwonu a̱kya, nyi nyia̱ ta̱m da̱nian kyayak hu na nwai byian a̱ni; ma̱ng si̱ hu ku na nwuak nyin swuan sang sangba̱p ji a̱ni. Huhwa yet kyayak nang Nggwon A̱tyubishyi ka na nwuak nyin a̱ni. Mat Nggwon A̱tyubishyi kya nang A̱tyia̱ wu ka̱n shim nka ndyo.”

“Mat ta̱m hu nang A̱tyia̱ nung wu chat a̱ni, huhwa yet; konyan wa li Nggwon nggu ka, a̱ si̱ nwuak fwuo da̱ nka a̱ni, a̱ na shya̱ ma̱ng swuan sang sangba̱p. Nung meang, n ma nta̱ngam nggu ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.”

Yesu si̱ nwuak mba shim nyia̱, “Ta̱m huni hwa nang A̱gwaza chat nyi nyia̱; nyi nwuak fwuo da̱ a̱tyu nang gu ta̱m ndyo a̱ni.”

“A̱mgba̱m á̱niet ba nang A̱tyia̱ nung wu nwuak nung a̱ni, ba̱ na bai da̱ a̱vwuo nung. A̱wot a̱tyu a̱ bai da̱ a̱vwuo nung a̱ni, n si̱ mi̱n dak gu bah, ku ma̱ chunchwiit!

Bitut si̱ nwuak gu shim nyia̱, “A̱tyoli, da̱ a̱vwuo a̱nyan kya zi̱ na nnat? Nwan wa byia̱ á̱lyiat na̱ nwuat swuan sang sangba̱p a̱ni.

Nung gwa ngyet kyayak swuan ku chyok neet Ma A̱gwaza tswazwa ka a̱ni. Konyan wa ya kyayak a̱hwa a̱ na shya̱ swuan sang sangba̱p. Kyayak a̱hwa nang n na nwuak a̱nyuu a̱ni; ku na yet nam vam nung hu hwa, nang n na neap da̱nian a̱mgba̱m á̱niet mi̱ swanta ba, ba̱ ka shya̱ swuan ji.”

Á̱ mbyia̱ a̱tyu a̱ si̱ mi̱n bai da̱ a̱vwuo nung, ka̱nang A̱tyia̱ nung wu a̱ ta̱m nung a̱ni, khwat gu a̱ bai ndyo bah. A̱wot nung mameang, n na nta̱ngam gu ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.

Mat kyayak A̱gwaza hu ku neet tswazwa kya a̱ni; huhwa nwuat á̱niet mi̱ swanta ba swuan ji.”

A̱tsak a̱lyiat, nung gwa ngyet kyayak ku nwuat swuan a̱ni.

Yesu si̱ kyiak burodi a̱ si̱ gwai A̱gwaza, a̱ si̱ ka̱u á̱niet ba ba̱ swan a̱ja a̱ni. Ma a̱nia wa gu si̱ nyia̱ ma̱ng fa̱n hu. A̱wot konyan si̱ ya, ku si̱ maai guu nang gu nchat a̱ni. Nang á̱niet ba ngya nkyayak na ba̱ si̱ swa̱i a̱ni, a̱jawa Yesu si̱ nyia̱ ma̱ng mman nta̱m nggu na a̱ni, “Nyi tung á̱kum kyayak na̱ bwat a̱ni, kalak na̱ byian.”

Nang mman ta̱m Yesu na ka̱n duk kukwon a̱wak hu a̱ nyia̱ a̱ka̱tyong a̱tat si̱ nat a̱naai; ba̱ si̱ kin ndi Yesu gu chong tazwa a̱sa̱khwot ka, a̱ chobai kpa̱mkpaan ma̱ng kukwon a̱wak mba hu! A̱wun si̱ ta̱bat baa, ba̱ si̱ ya̱dyuut! A̱jawa Yesu si̱ nyia̱ ma̱ng a̱mba a̱ni, “Nyi yok fa̱k a̱wun bah; nung gwa!”