Populære bibelvers fra 1 Bitut 1

Del

Yok á̱ dyep A̱gwaza, a̱ yet A̱tyia̱ A̱tyoli nzi̱t wu, Yesu Kristi a̱ni. Mat si̱sak nang gu nfa̱k kunak nzi̱t ba̱t, a̱ si̱ tyia̱ á̱ si̱ bu byin zi̱t a̱ka̱feang, zi̱ si̱ shya̱ swuan swai; mat nang A̱gwaza nta̱ngam Yesu Kristi ma̱ng swuan ma̱ á̱niet ba̱ ka̱n kwi a̱ni. Si̱ huni nwuak zi̱t chet tyia̱ fwuo ku yet a̱chet a̱ni. A̱wot zi̱ si̱ shya̱ a̱wat zi̱ ya gado nang á̱ sak nzi̱t ndyo Ma A̱gwaza tswazwa ku nwai byian ma̱ng tyiak, a̱wot ku si̱ yet a̱za̱za̱rak a̱ni.

Nang ku ndi a̱nia a̱ni, si̱ nyi gwai nyi swan ma̱ng a̱lyia̱ sai di̱ shya̱ san huni. A̱mgba̱m ma̱ng a̱nia, di̱ a̱bada̱dei njen ma̱nini, nyi na gbang a̱lyia̱ di̱n jen nang á̱ nya̱shuk nyin ma̱ a̱di̱di̱t a̱ni. Ya̱shuk huni hwa na tak nang nwuak a̱chuchuk nyin hu ngyet a̱tsatsak wa. Á̱ mai nwuak a̱chuchuk nyin hu ma̱nang á̱ ni̱ nfwui zi̱nariya ma̱ng long, ku jaat zi̱nariya wu a̱ni. Nwuak a̱chuchuk nyin hu swak zi̱nariya a̱ tyiak a̱ni ma̱ za̱nzan ma̱ng yet a̱tsatsak. Mat a̱nia, ka̱ nyi yong mi̱ chet di̱n jen ma̱ a̱di̱di̱t nang á̱ nya̱shuk nyin a̱ni, ku na bai ma̱ng a̱nyin dyep, shi, ma̱ng chyin a̱tuk nang A̱gwaza na ntyai bwuok Yesu Kristi hu kpa̱sai mi̱ swanta hu a̱ni.

Da̱ a̱kwonu a̱kya, ku yet ta hwa nyi swan a̱za̱za̱rak swat ma̱nang A̱gwaza a̱ khai nyin ngyet a̱za̱za̱rak a̱ni. A̱lyiat A̱gwaza na nyia̱, “Ku yet ta hwa nyi swan a̱za̱za̱rak nswat. Mat, nung A̱gwaza n gyet a̱za̱za̱rak wa.”

Ku yet ta hwa nyi swan nang mman A̱gwaza na̱ khwi a̱lyiat nggu na a̱ni. Nyi yok khwi swat mi̱ ndyin di̱n jen swak nyin ji bah. Swat a̱hwa ku yet nyinyang shyuo vam nyin hwa.

Mat a̱nia, nyi nyia̱ a̱tsatsak a̱di̱dam. Nyi bu swan mi̱ la̱p vam ma̱ng ta̱bat a̱pyia̱. Nyi tyia̱ fwuo di̱n shok san sang sangba̱p ji nang nyi na shya̱ di̱n jen nang Yesu Kristi na ntyai a̱kyenkyai shi nggu wu a̱ni.

Nang A̱lyiat A̱gwaza na nhyia̱ a̱ni, nyia̱ “Á̱nietbishyi li nang a̱shyim á̱kwop a̱ni. A̱wot shisham mba ji li nang shisham nkywat a̱ka̱kwon a̱ni. Á̱kwop ba ni̱ shyuk. A̱wot nkywat a̱ka̱kwon na na̱ ta̱kut. A̱wot a̱lyiat A̱gwaza na yet a̱chet si̱ nat sang sangba̱p.” A̱wot a̱lyiat a̱nia nia yet A̱sham Nkhang ka nang á̱ ku shei nyin a̱ni.