Populære bibelvers fra 1 A̱korontiyawa 3

Del

Nyi lyen nang nyi ngyet A̱li Nwuat Za̱nang A̱gwaza kyaa? A̱wot A̱za̱za̱rak Ntswa A̱gwaza wu si̱ shya̱ ma̱ nyin a?

Mat á̱ mbyia̱ a̱tyu a̱ maai a̱ kpaat kuntyin ghyang ku vwuon ma̱ng si̱ nang zi̱ ka̱n kpaat a̱ni bah. Kuntyin huhwa yet, Yesu Kristi.

Mat a̱nia, a̱tyu a̱ chyui zwá yak ji a̱ni, ma̱ng a̱tyu a̱ ntyei a̱sa̱khwot na a̱ni, ta̱m mba hu tyak kyang bah. A̱tyu a̱ nyia̱ ta̱m hu a̱ swak a̱ni, nggu wa yet, A̱gwaza a̱ tyia̱ zwá yak ji si̱ laai a̱ni.

Mat a̱mgba̱m nzi̱t a̱feang zi̱ yet á̱kpa̱ndang ta̱m A̱gwaza bya. A̱wot nyin bya li nang a̱byin khap A̱gwaza ka a̱ni. Nyi si̱ bu li nang nok A̱gwaza a̱ni.

A̱wot a̱tuk fak shi̱ri̱ya A̱gwaza ka, a̱nga̱ngak ndong a̱wa na tyai kpa̱sai kuzang tangka̱i nta̱m nang kuzang a̱tyu nok nok di̱ kuntyin hu a̱ni. Long huhwa na mak ku tak tangka̱i ta̱m nok nang konyan nyia̱ a̱ni.

A̱tyu chyui zwá yak wu ma̱ng a̱tyu tyei a̱sa̱khwot wu, ba̱ nyia̱ ta̱m hu ndung ma̱ng a̱di̱dam a̱nyiung. A̱wot konyan ma̱ a̱mba na san zang ma̱ cha̱chaat ma̱ng ta̱m hu nang gu nyia̱ a̱ni.

Nyi yok laai pyipyia̱ nyin bah. Ki̱ nyi fa nyi byia̱ mumwang swanta huni, ku myim nyi bwuak pyipyia̱ nyin ntyia̱ á̱bwuon, da̱nian nyi ka byia̱ mumwang ba̱t.