Populære bibelvers fra Pemungkal 37

Del

Nyadi sekali, Josep bemimpi. Lebuh iya madahka mimpi diri ngagai bala menyadi iya, sida lalu balat agi begedika iya.

Jakop rindu agi ke Josep ari iya ke rinduka anak iya ti bukai, laban Josep udah diperanakka lebuh umur Jakop nyau tuai. Iya ngaga baju panjai, ti panjai lengan, ke Josep.

Lebuh bala menyadi Josep meda apai sida rindu agi ke Josep ari iya ti rinduka sida, sida begedika Josep, datai ke sida nyau enggai bejaku manah enggau iya.

Udah nya Josep lalu bemimpi baru, lalu madahka mimpi nya ngagai bala menyadi iya, “Aku udah bemimpi baru. Aku bemimpi meda mata hari, bulan, enggau sebelas igi bintang meremi ngagai aku.”

Bala menyadi Josep kepapaska iya, tang apai iya majak berundingka semua pekara nya.

Ku iya, “Dinga kita mimpi aku. Semua kitai bisi di umai, nanchang tangkai gandum. Tanchang tangkai gandum aku angkat lalu bediri chegit-chegit. Tanchang tangkai gandum kita lalu ngelingi tanchang tangkai gandum aku, lalu meremi ngagai iya.”

Aram kitai munuh iya lalu muai bangkai iya ke dalam telaga ti rangkai. Kitai tau madahka iya udah mati laban jelu. Nya baru kitai nemu namaka penyadi mimpi iya nya.”

Lebuh bala orang dagang ari menua Midian mansa, bala menyadi Josep narit Josep pansut ari telaga nya, lalu nyual iya ngagai orang Ismail nya. Rega iya dua puluh singkap pirak. Orang bansa Ismail nya lalu mai iya ngagai menua Ejip.

Ku sida bejaku enggau pangan diri, “Nyin bujang ke bemimpi nya datai.

Lebuh sida tepedaka iya ari jauh, sebedau iya datai, sida lalu bepekat deka munuh iya.

Buai iya aja ngagai telaga di menua puang tu, tang anang ngemediska iya.” Reuben bejaku munyi nya laban iya deka ngidupka nyawa Josep, lalu mai iya pulai baru ngagai apai iya.