Populære bibelvers fra Pemungkal 2

Del

Nya kebuah lelaki ninggalka apai indai iya, lalu begulai enggau bini iya, lalu seduai iya nyadi siku.

Udah nya TUHAN Allah Taala bejaku, “Enda manah orang tu diau kediri. Aku deka ngaga siku penulung ke iya, nyadika tawing kaling iya.”

Udah nya TUHAN Allah Taala nempa mensia ari amau tanah lalu ngesuhka seput pengidup ke dalam lubang idung iya, lalu mensia nya idup.

Orang nya lalu bejaku, “Tu baru sedarah, segetah enggau aku saum tulang, saum isi enggau aku. Iya dikumbai “Indu”, laban iya udah diambi ari lelaki.”

Iya merekatka hari ti ketujuh nya, lalu ngeletak hari nya kudus, laban ba hari nya Iya tembu ngaga semua utai ti digaga Iya, lalu Iya belelak lalu ngetu gawa.

Seduai iya sama telanjai, tang seduai iya enda malu.