Populære bibelvers fra Kata Lom 4

Del

Abajut káwanwangoo kanookan li wahawu wan Ateemit alobumuu kasenool, bale li alit li káyinenaku koola min ásalum tó Ateemit. Láyinenyinen li mal̥egenool kaanaku Ateemit layilo akaan wahawu wan alobumuu kakaan.

loon Ateemit aloboolumuu li Bakiicelabu kaanaku: «Likaanikaan ulako atuuba ahaan ata sihet sameeŋe.» Abulaham laanosaano atuubawolaal hákil Ateemit an áyinenumuu li akila. Ateemit okila asenemuu buloŋ kaketumuu ban li akaan wah wabajut min ubaj.

Ateemit labeebet Yéesu Kilisita li eket humum hata uhoofoolawu woololaal, ban li ayitenumulool li eketayi min akaanolaal ulakowaal bukan kacole hákilool.

Abulaham li áyinen ban li abaj kákangum tan uhaase oon kákangum kanookan kulet to. Wahawu unwu újimuu «li alako atuuba ahaan ata sihet sameeŋe,» loon Ateemit aloboolumuu aanool: «Muñowu bubukoolumabu buya bommuu li bule.»

Mó mújimuu, wahawu wan Ateemit alobumuu kasen an, fan uyab wo humum hata káyinenaku koola, bájum wahawu unwu li ulako káji kata Ateemit. Kájiyaku unku kulakolako boot li bubukoolumabu feh bata Abulaham. Let mantee boot li bukanabuku bale kammuu li kuŋenaku kata eluwaayi, bale boot foof li bukanabuku feh káyinenumuu loon Abulaham áyinenumuu. Abulaham atuubawolaal laam foofolaal feh

«Awólo, bukanabuku kan Ateemit abonketumuu bafetabu booliil, kan ábujumuu uhoofoolawu wooliil. Awólo, anawu an Amaaŋenawu ajokutumuu li uhoofoolawu woola.»

Li mal̥egenamu, Bakiicelabu bonsoon: «Abulaham láyinenyinen li Ateemit, káyinenaku koola li kúji Ateemit li ajokool an acole.»