Populære bibelvers fra Römer 12

Del

Machet eich nett sei vi's mushtah funn dee veld. Avvah losset eich fa'ennaht sei bei eiyah gedanka nei gmacht sei, so es diah vissa kennet vass da goot, un vohl-kfalla, un folkumma villa is funn Gott.

Ich famohn eich dann, leevi breedah, deich di bamhatzichkeit funn Gott, es diah eiyah leivah gevvet es en levendich, heilich un en vohl-kfalla opfah zu Gott. Dess is eiyah geishtlichah deensht.

Froiyet eich in hofning, seind geduldich in dreebsawl, haldet oh im gebayt.

Loss nett's evila dich ivvah-kumma, avvah ivvah-kumm evil mitt goodes.

Seind eahnshtlich in nannah breedahlichi leevi gevva, un achtet anri haychah es eich selvaht.

Di leevi soll nett falsh sei. Hasset vass evil is; henket oh zumm gooda.

Vann's meeklich is, un so feel es diah kennet, layvet in fridda mitt awl mensha.

Betzawlet nett zrikk vann letz gedu vatt zu eich, leevi breedah, avvah gevvet blatz fa da zann funn Gott, fa's is kshrivva, “Ich binn da vann vo shtrohft, ich betzawl viddah zrikk,” sawkt da Hah.

Seind nett aldvannish in vass diah doond, seind fleisich im geisht un deenet da Hah.

Deich di gnawt es gevva is zu miah sawk ich zu yaydah mann unnich eich: Nimmand soll haychah denka funn sich selvaht es vass eah denka sett. Avvah leevah, loss een sich selvaht richta in daymeedichkeit bei em glawva es Gott ausgedayld hott zu eem.

Betzawlet nett evil zrikk mitt evil. Doond vass recht is fannich alli-ebbah.

Seind aynich mitt-nannah; seind nett hohchmeedich, avvah haldet eich uf mitt di niddahra. Machet eich nett veis es diah shmeaht sind.

So, “Vann sellah es dich nett gleicht hungahrich is, feedah een; vann eah dashtich is, gebb eem ebbes zu drinka. Fa vann du dess dusht, dann dusht du feiyahrichi kohla uf sei kobb heifla.”

Sayknet selli es eich fafolka; sayknet, un fafluchet nett. Froiyet eich mitt selli es sich froiya, un heilet mitt selli es heila.

Seiyet fa di glawvicha es noht henn, machet eiyah heisah geahn uf zu fremdi.

Miah henn feel daylah es zu unsah leib heahra, avvah nett awl di daylah fumm leib doon di saym eahvet. So sinn miah in Christus. Es sinn feel funn uns, avvah miah macha ay leib uf in Christus un sinn awl en dayl funn-nannah.