Populære bibelvers fra RUM 16

Del

La'ah Allah éh mihin lu' pawah, iah éh omok nyaga' Sitan ra' gem keh. La'ah jian Yésus Kristus Tuhan lu' pu'un pepit penika Néh ngan ka'ah.

O kekat padéé' ké' akeu' nyohoo' ka'ah jian keh mavaa' dai pu'un kelunan tuai mihin tebaraa' éh petawang kelunan ngan pepetat réh jin pengelan réh tong Tuhan, éh bara' jah ha' tebaraa' éh tengéé' jin éh benara' ké' ngan keh rai. Jian ka'ah ngelepat jin irah.

Uban bé' réh maneu' kereja' Kristus éh Tuhan uleu', bang irah maneu' kekat éh omok ngejian kenin réh tong kemagat réh éh sa'at. La'ah neu' ha' réh éh méé ngan jian, inah irah ngelavo' kelunan éh bé' malai.

Jian lu' mejing Allah. Iah pu'un penyukat ngereken kenin ka'ah dalem pengelan keh tong Rengah Jian éh benara' ké' tong Yésus Kristus. Adang Tuhan juk purip ka'ah éh tengéé' pohoo'. Hun sahau rai bé' kelunan jam tong kenin Tuhan kenat uban néh pelim, bang hun iteu' bé' éh pelim kepéh pu'un réh jam éh neu' kekat ha' éh senurat irah nabi, ngan neu' sohoo' Allah éh pu'un pelinguh pu'un iteu' poléng ngan kelunan béé dokoo' réh omok ngelan ngan kivu Tuhan kepéh. Jah awah Allah ngan Iah jam kekat ineu'-ineu', tekep uleu' mejing Iah pah avéé' pelinguh neu' Yésus Kristus. Amin.