Populære bibelvers fra RUM 11

Del

Uban kekat-kekat ineu'-ineu' péh senuai Néh béé. La'ah neu' Iah péh kekat néh pu'un petem ngan pu'un éh ngan Néh. Jian Allah kenajung kelunan pelinguh. Amin.

Allah pu'un jian mu'un, sukup mu'un éh lem kekat penganeu' Néh ngan pengejam Néh. Séé' omok ngelé kekat penganeu' Néh? Séé' omok jam tong kekat jalan Néh?

Barei' ha' dalem surat Allah, Séé' omok jam tong kenin Tuhan? Séé' omok nebaraa' Iah?

Kenat péh hun iteu', pu'un keto jelua' kelunan éh kevéléé' Allah lem penika Néh. Pu'un Iah ngevéléé' réh neu' penika Néh awah, bé' éh uban neu' ineu'-ineu' éh penganeu' réh. Hun Allah ngevéléé' réh uban neu' penganeu' réh awah, bé' éh neu' penika Néh.

Pu'un jelua' paka' éh lepah nega' jin inan saitun éh murip nulah, ngan paka' saitun éh murip bé' nulah pepetok kepéh tong inan éh nulah. La'ah ka'ah kelunan éh tengéé' pohoo' ka'ah la'ah barei' paka' saitun éh pepetok tong inan saitun éh nulah nah. Uban hun iteu' nah omok lah ka'ah alaa' urip pekua' irah Yahudi. Hun néh kenat mai keh seruh ka'ah pelapah jian jin paka' éh lepah nega' Néh inah. Jian keh diva' kenin. Ka'ah iteu' paka' awah keh, bé' keh omok purip lakat buaa' inah, bang lakat buaa' inah éh purip ka'ah.