Populære bibelvers fra KO SĒNESI 50

Del

Ka ko kimoutolu na‘a mou tu‘utu‘uni ha kovi kiate au; ka ko e ‘Otua na‘a ne tu‘utu‘uni ia ko e lelei, koe‘uhi ke hoko ‘a e me‘a kuo hoko ni, ‘a e fakamo‘ui ‘o ha fu‘u kakai.

Pea pehē ‘e Siosifa kiate kinautolu, ‘Oua te mou manavahē; he kuo u fetongi ‘a e ‘Otua?

Ko ia ‘oua te mou manavahē: te u tauhi kimoutolu mo ho‘omou tamaiki. Pea na‘a ne fakanonga kinautolu, ‘o fakafiemālie honau loto.

Ko eni ‘a e lea te mau fai kia Siosifa, Tauange mo koe ke ke fakamolemole ‘a e hia ‘a ho ngaahi tokoua, mo ‘enau angahala, he na‘e kovi mo‘oni ‘a e me‘a na‘a nau fai kiate koe: pea ko ia ke ke fakamolemole mu‘a ‘a e hia ‘a e kau tamaio‘eiki ‘a e ‘Otua ‘o ho‘o ‘eiki. Pea na‘e tangi ‘a Siosifa ‘i he‘enau lea pehē kiate ia.

Pea lea ‘a Siosifa ki hono ngaahi tokoua, Kuo u mate au: ka kuo pau ke ‘a‘ahi ‘a e ‘Otua kiate kimoutolu, pea te ne ‘ohake kimoutolu mei he fonua ni ki he fonua na‘a ne fuakava ai kia ‘Epalahame mo ‘Aisake mo Sēkope.

Pea na‘e fakafuakava ‘e Siosifa ‘a ha‘a ‘Isileli, ‘o pehē, Kuo pau ke ‘a‘ahi kiate kimoutolu ‘e he ‘Otua, pea te mou toki ‘ohake hoku ‘anga‘anga mei heni.

Pea pekia ‘a Siosifa kuo teau mā hongofulu hono ta‘u: pea na‘a nau fakatolonga ia, ‘o nau ‘ai ki ha puha ‘i ‘Isipite.