Populære bibelvers fra KO SĒNESI 49

Del

Ko e sēpita meia Siuta ‘e ‘ikai ‘ave, Mo e tokotoko mei hono vaha‘a va‘e, Kae‘oua ke ha‘u ‘a Sailo, Pea ‘e fai kiate ia ‘e he ngaahi kakai ‘enau tukulolo.

Ko Siosifa ko e hako ‘o e ‘akau fua, ‘Akau ‘i ha ve‘e vai mapunopuna ‘Oku laka atu hono ngaahi va‘a ‘i he funga ‘ā. Pea nau fakamamahi ki ai ‘o fana‘i ia, ‘Io, ko e kau to‘o ngahau na‘a nau ‘ohofia.

Ka na‘e ma‘uma‘uluta ‘ene kaufana, Pea na‘e ngāue mālohi hono nima, Ko e poupou he nima he to‘a ‘o ha‘a Sēkope Mei he feitu‘u ‘oku ‘i ai ‘a e Tauhi, Ko e Maka ‘o ‘Isileli, Mei he ‘Otua ‘o ho‘o tamai–‘io, te ne tokoni‘i koe; ‘Io, ko Sātai–te ne tāpuaki‘i koe ‘Aki ‘a e ngaahi tāpuaki ‘o Langi ‘i ‘olunga, Mo e ngaahi tāpuaki ‘o e moana ‘oku toka ‘i lolofonua, Ko e ngaahi tāpuaki ‘o e huhu mo e manava.

‘E Siuta, ko koe ia ‘E fakamālō ki ai ho ngaahi tokoua: Te ke puke ‘a e kia ho ngaahi fili; Pea ‘e hū kia koe ‘a e fānau ‘a ho‘o ‘eiki Ko e laione mui ‘a Siuta; Tama, ‘oku ke ‘alu hake ki ‘ana, Ko ho‘o tulimanu kuo lava: Si‘ene taulalo, si‘ene tokoto ‘ena, ‘O hangē ha laione motu‘a, ‘O hangē ha laione toutama! Ko hai te ne fa‘a ue‘ia?

Lūpeni, ko koe ko hoku ‘uluaki, Ko hoku mālohi, mo e fuatapu ‘o hoku ivi, Mu‘omu‘a he nofo, mu‘omu‘a he angi. Lilingofua hangē ko e vai, ‘E ‘ikai te ke ‘uluaki; He na‘a ke kākā he mohenga ho‘o tamai: ‘Ā, na‘a ke hanga ‘o ‘uli‘i ia. Na‘a ne ‘alu hake ki hoku fala!