Populære bibelvers fra KO ‘EKISOTO 7

Del

PEA folofola ‘a Sihova kia Mōsese; Vakai, kuo u ngaohi koe ko e ‘Otua kia Felo, pea ko ‘Ēlone ko ho tokoua ko ho palōfita ia.

Pea ko au te u fakafefeka ‘a e loto ‘o Felo, pea te u ‘ai ke lahi ‘eku ngaahi faka‘ilonga mo ‘eku ngaahi mana ‘i he fonua ko ‘Isipite. Pea ‘e ‘ikai tokanga ‘a Felo kiate kimoua, pea te u ‘ai hoku nima ki ‘Isipite, pea u ‘omi kitu‘a ‘a e ngaahi kongakau ‘o hoku kakai ko ha‘a ‘Isileli ‘aki ‘a e ngaahi tautea lahi.

Pea ‘e ‘ilo ‘e he kakai ‘Isipite ko Sihova au, ‘oka u ka hiki hoku nima ki ‘Isipite, ‘o ‘omi ‘a ha‘a ‘Isileli mei honau lotolotonga.

Pea ui mai ‘e Felo foki ‘a e kau poto mo e kau fai tuki, pea na‘e lava ‘a e me‘a ko ia ‘e he kau maki ‘o ‘Isipite foki ‘aki ‘enau ngaahi tō‘onga fakalou‘akau. He na‘a nau takitaha sī atu hono tokotoko, ‘o nau hoko ko e ngaahi ngata: ka na‘e folo hifo ‘e he tokotoko ‘o ‘Ēlone ‘a e ngaahi tokotoko ‘onautolu.

Ko e folofola eni ‘a Sihova, Ko e me‘a ko eni te ke ‘ilo ai ko Sihova au: vakai ko ‘eku taa‘i eni ‘aki ‘a e tokotoko ‘oku ‘i hoku nima ni ‘a e vai ‘o e vaitafe; pea ‘e liliu ke toto.

Ka lea mai ‘a Felo kiate kimoua ‘o pehē, Fai ha mana ma‘amoua; pea te ke pehē kia ‘Ēlone, To‘o ho tokotoko, ‘o sī atu ia ‘i he ‘ao ‘o Felo: ‘e hoko ia ko e ngata. Pea hū atu ‘a Mōsese mo ‘Ēlone kia Felo, pea na fai ‘o hangē ko e tu‘utu‘uni ‘a Sihova; pea na‘e sī atu ‘e ‘Ēlone hono tokotoko ‘i he ‘ao ‘o Felo mo ‘ene kau tamaio‘eiki, pea na‘e hoko ia ko e ngata.