Populære bibelvers fra Salmo 139

Del

Dnayenta ge du too gamtikeng i kimoam deg, na too tì fye. I kdee nimoam too gamtikeng i kafyela! Too sikof i kgadeam deg

E Dwata, toom neye i nawagu ani, du fye toom agu gadè; tnandakam agu, fye gadeam i kdee mnè di fandamgu. Neyem ku nun sasè dini di deg i gaflidù ge, na nalakam agu, Dwata, di dalanam landè gusenan.

Ge sa i mimò i kdee di nawagu na lawehgu ani; ge i tmibuk deg déén di tien i yêgu.

Tateenam agu déén di kamlità agu fa; tagsulatam di librum i gufsen i dad butanggu mto; i kdee butang alelam deg, tagsulatam di là agu fa mto.

Amugu Dwata, tatoom agu neye, na gadeam i kdee gablà di deg!

Nun kè gusalugu i là ge déén, ge i mnè di balù nean? Nun kè gusalbunigu gawag di ge?

Gadeam i kdee nimògu, ku sudeng agu ku demen tadag; gadeam kdee fandamgu balù too ge mawag.

Amugu Dwata, balù ku làgu fa gman dun, tagneam gadè ku tan i mangu.

Fandamam ku nè gusalugu na ku nè gumilègu, na gadeam i kdee tagusalugu na kdee gnagugu.