Populære bibelvers fra Jesaja 40

Del

Han gjev den trøytte kraft, og den som ikkje har krefter, gjev han stor styrke.

Gutar blir trøytte og slitne, unge menn snublar og fell. Men dei som ventar på HERREN, får ny kraft, dei lyfter vengene som ørna, dei spring og blir ikkje slitne, dei går og blir ikkje trøytte.

Veit du ikkje, har du ikkje høyrt? HERREN er den evige Gud som skapte endane av jorda. Han blir ikkje trøytt og ikkje sliten, ingen kan utforska hans forstand.

Ei røyst ropar: Rydd HERRENS veg i ørkenen, jamn ut i øydemarka ein veg for vår Gud!

Graset tørkar bort, blomen visnar, men ordet frå vår Gud står evig fast.»

HERRENS herlegdom skal openberra seg, alle menneske skal saman sjå det. For HERRENS munn har tala.

Kvar dal skal hevast, kvart fjell og kvar haug skal senkast. Bakkete land skal bli til slette og kollane til flat mark.

Han gjeter flokken sin som ein gjetar. Han samlar lamma med armen, lyfter dei opp i fanget, leier søyene.

Lyft auga mot det høge og sjå: Kven har skapt alt dette? Han som tel stjernehæren, fører dei ut og kallar dei alle ved namn. Hans kraft er så stor og hans styrke så veldig at ikkje éin skal mangla.

Han tronar over jordkrinsen, og dei som bur der, er som grashopper. Han breier himmelen ut som eit slør og spenner han ut som eit telt til å bu i.

Tal til Jerusalems hjarte og rop til henne at hennar strid er fullført, at hennar skuld er betalt, at ho har fått dobbelt av HERRENS hand for alle sine synder.

Ei røyst seier: «Rop ut!» Eg seier: «Kva skal eg ropa?» «Alle menneske er gras, all deira truskap er som blomen på marka. Graset tørkar bort, blomen visnar når HERRENS ande blæs på han. Sanneleg, folket er gras.

Sjå, Herren GUD kjem med styrke, han herskar med sin arm. Sjå, løna hans er med han, dei han vann, er framfor han.

Trøyst, trøyst mitt folk, seier dykkar Gud.

Kven kan måla opp vatnet i si hole hand, måla himmelen med utspente fingrar? Kven kan samla støvet på jorda i eit mål, vega fjella med vekt og haugane på vektskåler? Kven kan måla HERRENS ande og gjera sitt råd kjent for han? Kven har han samrådd seg med som kunne gje han forstand, læra han rettens veg, læra han kunnskap og visa veg til innsikt?