Populære bibelvers fra Huan 2

Del

Ko nigbalig ni Hisus ka sikan no woig no nohimu to inumanon dio to lunsud to Kana no sakup to Galilia, sikan ian ka an-anayan no igkabolongbolong no pighimu rin. Nigpapitow on si Hisus to kabogbogan din. Nò, nohogot on ka pogtuu to mgo hibatoon din kandin.

Kagi ni Hisus to inoy rin “Manio, Ino, to og-insaan a nu? Kono pad no allow ku to ogtuman ka bantaan to Magboboot koddi kai to soi kalibutan.”

Insugu ni Hisus ka mgo suguonon to, “Hiponaa now ka mgo kuron to woig.” Nò, pinasimil dan ka woig. Kagi ni Hisus kuwo kandan, “Sakuga now; ihatod now dio to igbuyag to mgo suguanon to mangasawa.” Inhatod dan on dio to kandin

Nigtabak si Hisus to maralom no kagi. Kagi rin, “Ko oggulakon now ka soin no baloy to Magboboot, oghimu a oghutuk to tatolu ro no allow.”

Nò, nighimu ni Hisus ka lubid no lalamposoy no sikan ian ka indogil din to mgo baka, mgo karniru dio to libuwasan. Agad nigbalintuad din ka mgo lamisaan to mgo ogsalsaliu to salapi no nakasawod on ka salapi dan. Nò, nigsugu din ka mgo ogbaligya to salapati no duon to kulungan to, “Awaa now soini tibo. Ko now himua ka baloy to Amoy ku to palingki now.”