زبور 2
2
دوهم زبور
د خدای غوره شوی پاچا
1ولې په قهر شول نور قومونه دومره؟
ولې بېځایه دسیسې جوړوي دغه قومونه؟
2تیاروي ځانونه جنګ ته پاچاهان د جهان
دي لګیا حکمرانان د دسیسو په جوړولو یو له بله سره
د څښتن او د هغه د غوره شوي پاچا په وړاندې
3وایي: «راځئ چې زنځیرونه مات کړو
د غلامۍ رسۍ به وغورځوو»
4څښتن چې ناست دی په اسمان کې په خپل تخت باندې
خاندي ملنډې وهي په پلانونو د دوی
5ورکوي دوی ته په خپل قهر اخطار
وېروي دوی په خپل غضب باندې:
6«ما مقرر کړ خپل پاچا
په خپله پاکه غونډۍ
نوم دی صهیون د غونډۍ»
7پاچا وایي: «زه به اعلان کړم د څښتن فرمان
ماته وویل هغه چې ته مې زوی زه دې نن پلار شوم
8سوال وکړه له ما نه ته
ټول قومونه در به کړم
نړۍ ټوله به د ستا شي
9هغوی به مات کړې
د اوسپنې امسا باندې
د خاورینو لوښو په شان
به کړې دوی سم ټوټې ټوټې»
10شئ هوښیار ای پاچاهانو
تاسو دې نه عبرت واخلئ د نړۍ حکمرانانو
11د څښتن عبادت وکړئ
ښه په وېره او لړزان
12زوی ته یې ټیټ کړئ د درناوي سرونه
هسې نه چې دی په قهر شي زر
او خپلو لارو کې هلاک شئ
هرڅوک چې پناه وروړي بختور دی
Nu geselecteerd:
زبور 2: APB
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from the Holy Bible in Afghan Pashto,
Copyright © 2023 UBS. Used by permission. All rights reserved.