Populaire Bijbelverzen uit Salmos 63

Delen

Hneˉ la̱a̱hꜗ Dio kya̱a̱nꜙ, peerꜙ hnoonꜗ hnaahnꜚ hneˉ. Läꜙko̱hꜘ heˉ naˉki̱i̱ˉ dsënꜙ jeeˊ laˈ hwaꜗ ki̱i̱ꜙ jeeˊ saꜙ chaˉ niꜙ miihˉ jmɨɨˉ, läꜙja̱ˉ kuhˉngɨɨꜙ tuhˉdsënꜙ kyahꜗ.

Heˉ hnaahꜙ jnäꜘ, lluꜗ gaˊ laˈ kinꜙ läꜙko̱hꜘ gaˊ heˉ cha̱a̱nˉ jmɨˉgyʉʉꜙ. Kya̱a̱hˊ waˊhoonꜙ hänˋ kyahˈ.

Taˊko̱ˉji̱i̱hˈ cha̱a̱nˉ hänˋ kyahˈ. Choonˋ goonꜙ kyahꜗ jeeˊ chu̱u̱nꜘ kya̱a̱hˊ hneˉ.

Hnoonꜗ jëënꜚ haˉ läꜙ laꜗ beꜘ kyahꜗ hiꜙ haˉ läꜙ jnaahˈ la̱a̱hꜗ. Hnoonꜗ jë̱ë̱nꜚ hneˉ nehꜙ gwahꜙ naˉjngɨɨˈ kyahꜗ.

Jëëhꜘ ja̱a̱ˉ hneˉ baˊ hi̱ˉ kwaꜙ beꜘ kinꜙ. Peerꜙ cha̱a̱nˉ lluꜗ heˉ hä̱ä̱nˊ nehꜙ saˊkyoohˉ. Maˉcha̱a̱ˉ baˊ jnäꜘ ko̱ˉjø̱hꜘ kya̱a̱hˊ hneˉ. Maˉgoohˉ raˉllu̱u̱ꜗ saꜙ tø̱ø̱˜ jnäꜘ.

Taꜙlaꜙ hwëˈ jeeˊ naˉkya̱a̱nˈ nëˊ ji̱i̱ˊ, kye̱nˊ hʉʉˊdsëˉ kyahꜗ hiꜙ dsooh˜ dsënꜙ hneˉ.